Yevropa Tözekländerü häm Üseş bankınıñ 2007 yılğı aksionerlar cıyılışı Qazanda uzuın banknıñ Direktorlar Şurası xäl itäçäk. Ä bu könnärdä banknıñ räsmi çaralar ütkärü bülege citäkçese Krister Karlsson häm Banknıñ General särqatibe wazıyfaların başqaruçı Karter Naydjep
Qazanğa tanışırğa, cıyelıyş uzaçaq urınnarnı qararğa kilgännär. Häm qaytqaç Direktorlar şurasına xisap citkeräçäklär. Tağın şunı äytergä kiräk banknıñ räsmi çaralar ütkärü bülege citäkçese Krister Karlsson Qazanda aprel'' ayında da bulıp kitkän ide. Ul waqıtta da Krister Karlsson küp kenä obyektlarda, ayırım äytkändä kunakxanälärdä buldı, İminlek eşe belän tanıştı.
Ägär çınnan da 2007 yılnı banknıñ aksionerlar cıyılışı Qazanda uza qalsa, ul, Tatarstanğa çit il investitsiälären cälep itärgä mömkinlek biräçäk. Şulay uq küp kenä ministrlar, bank citäkçeläre, investorlar, eşlekle dairälär kilüe Tatarstannıñ dön''yakülämendä tanıluına tağın ber etärgeç bulaçaq.
Uzğan yıl cıyılış Taşkentta ütkän ide. 2006 yılnı Londonda oyıştırılır dip farazlana.
Aksionerlar cıyılışnı Qazanda uzdıru Räsäy Premyer-ministr Mixail Fradkov tarafınnan täqdim itelgän. Äle ike yıl waqıt bulsa da, äzerlänü inde tulı köçkä bara.
Çärşämbe könne Xafiz Salixov belän uzğan oçraşu barışında aksionrlıq cıyılış qısalarında uzaçaq çaralar, kiläçäk keşelär xaqında da bäyän itelde.
Bu xaqta Banknıñ General'' särqatibe wazıyfaların başqaruçı Karter Naydjep:
Aksionerlar cıyılışına tulayım alğanda 2 meñnän artıq keşe kiläçäk. Alar arasında qatnaşuçılar belän berrättän qunaqlar da bulaçaq. Awrupa Tözeleş häm Üseş bankınıñ 60 ildä häm 2 xalıqara oyışmada aksionerları bar. Mondıy cıyılış 1994 yılnı Sankt-Peterburgta da uzğan ide. Xalıqara finans strukturaları wäkillärennän tış sänäğät, kommersiä ölkäsendä eşläwçelär kiläçäk.
Bügenge köndä Tatarstanğa ozaq waqıtqa birelä torğan kreditlar yuqlığı xaqında da süz buldı oçraşuda. Ozaq waqıtqa birelä torğan kreditlar bulmaw şaqtıy awırlıqlar tudıra dielde. Aksionerlar cıyılışı qısalarında uzaçaq Biznes-forum bu mäs’äläne dä xäl itär dip farazlana.
2004 yılda Awrupa Tözeleş häm Üseş bankı tarafınnan Rusiägä 1 milliard yevrodan artıq investitsiälär kertelgän. Kiläçäktä bank Rusiä töbäkläre belän dä eşlärgä cıyına.
Landış Xarrasova
