Accessibility links

Кайнар хәбәр

Ural ğalimnäre Qazanğa yul tottı


Bu könnärdä Yekaterinburg şähärennän ber törkem Qazanğa yul aldı. Törkemdä Tatarstannıñ Uraldağı daimi wäkile Rawil Bikbov, Sverdlovski ölkäse rektorları şurası räise urınbasarı, Ural däwlät universitetı rektorı Vladimir Tretyakov, Ural däwlät konservatoriäse rektorı Şäwkät Ämirov häm başqa ğalimnär bar. Rawil äfände Bikbov äytüençä, bu säfär bik faydalı häm qızıqlı bulır dip kötelä. Yıl başınnan birle bik centekläp başqarılğan eşkä yaxşı näticä yasalır, dide ul.

İnde menä yartı yıldan artıq Tatarstan respublikası häm Sverdlovski ölkäsennän yuğarı uqu yortların citäkläwçe ğalimnär ike töbäkneñ dä yuğarı uqu yortları arasında mäğärif konsorsiumı buldıru östendä eşlädelär. Yäş buınğa bireläse yuğarı belemne xalıqara däräcägä kütärü maqsatı belän ike quätle töbäkneñ däräcäle ğalimnäre tarafınnan başqarılğan bu eş, şäxesneñ belem alırğa xoquqın anıñ intellektual häm icadi mänfäğätlärenä turı kitererlek itep tormışqa aşıruğa yunältelgän. Qazanda ike töbäkneñ dä yuğarı uqu yortları arasındağı konsorsium turındağı kileşügä qul quyılu kötelä.
XS
SM
MD
LG