Accessibility links

Кайнар хәбәр

Katrina ğarasatınnan zıyan kürüçelärgä Yewropadan yardämne NATO taşıyaçaq


Quşma Ştatlar Katrina ğarasatınnan zıyan kürüçelärgä Yewropadan birelüçe yardämne taşu öçen NATOnıñ bulışlığın soradı. NATOnıñ iseme atalmağan räsmiläre äytüençä, berektäşlekneñ maxsus oçraşuında şunda uq xärbi belgeçlärgä bu eşne başqaru planın äzerlärgä färman birelgän. Bu eştä NATOnıñ cawap köçläre korabları da qullanılırğa mömkin. Räsmilär äytüençä, NATO belgeçläre bu plan turında AQŞnıñ tönyaq xärbi idaräse belän söyläşä häm ul raslaw öçen irtägä ük äzer bulırğa mömkin. Bügen yardäm eşlärendä qatnaşu öçen Quşma Ştatlarğa kürşe Meksika ğäskärläre dä kerde. Xärbiläre su basqan New Orleans şähärendä qalğan, kitä almawçı yä kitärgä telämäwçe 10 meñläp keşene ezläw häm evakuatsiäläw operatsiäsen däwam itä. Katrina ğarasatınnan zıyan kürüçelärgä Rusiä dä oçqıçlar belän yardäm ozattı.
XS
SM
MD
LG