Accessibility links

Кайнар хәбәр

Ukraina prezidentı Viktor Yuşçenko palamentnı yaña xökümät tözüçe Yuriy Yekanurovnı yaqlarğa çaqırdı


Ukraina prezidentı Viktor Yuşçenko bügen parlamenttağı barlıq törkemnärgä möräcäğät itep premyer ministr wazıyfaların başqaruçı häm yaña xökümät tözüçe Yuriy Yekanurovnı yaqlarğa çaqırdı. Yuşçenko yabıq işeklär artındağı utırışta parlament citäkçelärenä yaña xökümät tözegändä nizağlar häm añlaşılmawçanlıqlar telämäwe turında äytte. Yuşçenko kiçä eşennän alınğan xökümätneñ küp kenä äğzalarınnan üz wazıyfaların başqarunı däwam itüne soradı. Alarnıñ kübese prezidentqa xezmät itüne däwam itärgä teläwlären beldergän dielä. Bügen parlamentta wazıyfasınnan alınğan premyer ministr Yulia Timoşenko yaqlı törkem Yuşçenkonıñ qararı belän kileşmäwen beldede. Timoşenko bügen kiç İnter TV televideniese aşa çığış yasar dip kötelä. Timoşenkonıñ oppozitsiägä küçü mömkinlege turında da süzlär yöri. Parlament räise Volodımır Lıtvın AQŞ säfären özep Ukrainağa qayta.
XS
SM
MD
LG