Rusiäneñ Menatep Bankınıñ elekke citäkçeläreneñ berse İgor Babenko Litva xökümätennän säyäsi sıyınu sorağan. Litvada çığuçı Lietuvos Zinios basmasına, Babenko, Litvanıñ Appelyasiä Mäxkämäse anı Rusiägä tapşıru qararın ğämäldän çığarır dip ömetlänüen beldergän.
Litvada tuğan Babenko Menatepnıñ Stavropol bülekçäseneñ elekke citäkçese, Rusiä general prokurorınıñ färmanı nigezendä yül ayında qulğa alındı. Rusiä tikşerüçeläre, Babenko 11 million dollardan artıq aqça üzläştergän, dip xäbär itä.
Babenkonıñ Litvadağı advokatı Vitoldas Petra-viçius, ğäyepläwlär – Mixail Xodorkovski eşenä bäyle, dip belderä. Menatep – Xodorkovski citäklägän Yukos neft şirkäte xissäläreneñ küp öleşeneñ iäse ide.
