Comğa könne Başqortstanğa Rusiäneñ sälamätlek saqlaw häm sotsiäl üseş ministrı Mixäil Zurabov kilde. Anı respublik citäkçelege comğa könne Başqortstannıñ dürt rayonında ütüçe respublik sowetı küçmä utırışında qatnaşu öçen çaqırğan ide.
Sälamätlek saqlaw mäsälälärenä bağışlanğan älege cıyınnıñ bu yulı respubliknıñ dürt rayonında – Qaraidel, Baltaç, Täteşle häm Asqın rayonnarında ütäçäge aldan uq bilgelände. BR Däwlät Cıyılışı-Qorıltay räise Qonstantin Tolqäçev, premer-ministr Rafael Baydäwlätov citäkçelegendä oyıştırılğan bu kiñäşmädä qatnaşuçı respubliknıñ barlıq rayonnarı xaqimiät başlıqları, törle ministrlıqlar häm oyışmalar başlıqları autobuslarğa utırıp yulğa çıqtı. Ä soñraq küçmä utırışta qatnaşuçılar yanına prezident Mortaza Räximov belän federäl ministr Mixäil Zurabov ta kilep citte häm artaban rayonnar belän tanışunı bergäläp däwam ittelär.
Soñğı yıllarda bar Räsäydäge kebek ük, sälamätlek saqlaw ölkäse Başqortstanda da zur qıyınlıqlar kiçerä. Ayıruça awıl cirlärendä sawlıq saqlaw körçekkä terälde. Finanslarnıñ tieşle külämdä bülenmäwe arqasında, baytaq urınnarda xätta meditsina punktları da yabıldı, ä yabılmağannarı törle däwalaw preparatlarına qıtlıq kiçerä. Menä şuña kürä dä Başqortstan citäkçeläre Respublik sowetınıñ çirattağı utırışın näq menä sälamätlek saqlaw mäsälälärenä bağışlarğa buldı. Yözgä yaqın keşe kergän respublik sowetı utırışı wäkilläre Täteşle, Qaraidel, Asqın häm Baltaç rayonnarında bulıp, alardağı yaña tözelgän meditsina üzäklären: feldşer-aquşerlıq punktların, yañabaştan tözekländerelgän xastaxanälärne qaradı. Oçraşularda tabiblarnıñ teläk-täqdimnäre dä yañğıradı. Rayonnarda, meditsina üzäkläreneñ qıyın xäldä buluın añlap, quldan kilgänçä yärdäm itärgä tırışalar, ämma barıber problemnar baştan aşqan. Töştän soñ Baltaç rayonı üzägendä ütkän plenar utırışta respublikta sälamätlek saqlaw ölkäsendä nilär eşlärgä mömkin buluı xaqında eşlekle söyläşü bardı. Anda çığış yasağan Rusiä sälamätlek saqlaw häm sotsiäl üseş ministrı Mixäil Zurabov, şulay uq Başqortstan citäkçeläre, tabiblar da bu ölkägä qarağan fikerläre belän urtaqlaştı häm yaqın kiläçäkkä burıçlar bilgeläde. İl prezidentı Putinnıñ tabiblarnıñ xezmät xaqların kütärü buyınça täqdimnäreneñ dä tormışqa aşuın teläde bu utırışta qatnaşuçılar. Çönki mesken genä xezmät xaqına yörgän tabibtan sıyfatlı eş taläp itep tä bulmıy.
Soñğı yıllarda bar Räsäydäge kebek ük, sälamätlek saqlaw ölkäse Başqortstanda da zur qıyınlıqlar kiçerä. Ayıruça awıl cirlärendä sawlıq saqlaw körçekkä terälde. Finanslarnıñ tieşle külämdä bülenmäwe arqasında, baytaq urınnarda xätta meditsina punktları da yabıldı, ä yabılmağannarı törle däwalaw preparatlarına qıtlıq kiçerä. Menä şuña kürä dä Başqortstan citäkçeläre Respublik sowetınıñ çirattağı utırışın näq menä sälamätlek saqlaw mäsälälärenä bağışlarğa buldı. Yözgä yaqın keşe kergän respublik sowetı utırışı wäkilläre Täteşle, Qaraidel, Asqın häm Baltaç rayonnarında bulıp, alardağı yaña tözelgän meditsina üzäklären: feldşer-aquşerlıq punktların, yañabaştan tözekländerelgän xastaxanälärne qaradı. Oçraşularda tabiblarnıñ teläk-täqdimnäre dä yañğıradı. Rayonnarda, meditsina üzäkläreneñ qıyın xäldä buluın añlap, quldan kilgänçä yärdäm itärgä tırışalar, ämma barıber problemnar baştan aşqan. Töştän soñ Baltaç rayonı üzägendä ütkän plenar utırışta respublikta sälamätlek saqlaw ölkäsendä nilär eşlärgä mömkin buluı xaqında eşlekle söyläşü bardı. Anda çığış yasağan Rusiä sälamätlek saqlaw häm sotsiäl üseş ministrı Mixäil Zurabov, şulay uq Başqortstan citäkçeläre, tabiblar da bu ölkägä qarağan fikerläre belän urtaqlaştı häm yaqın kiläçäkkä burıçlar bilgeläde. İl prezidentı Putinnıñ tabiblarnıñ xezmät xaqların kütärü buyınça täqdimnäreneñ dä tormışqa aşuın teläde bu utırışta qatnaşuçılar. Çönki mesken genä xezmät xaqına yörgän tabibtan sıyfatlı eş taläp itep tä bulmıy.
