Accessibility links

Кайнар хәбәр

Başqort akademia drama teatrı icat mizgelen açtı


Mäcit Ğafurıy isemendäge Başqort däwlät aqädemiä drama teatrı comğa könne yaña icat mizgelen açıp cibärde. Här yıldağıça, bu sezonnıñ da täwge kiçendä tamaşalar başta teatr binası aldındağı mäydanda başlandı. Biredä aqädemteatr artistları Ufa xalqına cır-biyülärdän torğan teatrlaştırılğan tamaşa kürsätte. Annan soñ icat mizgelen açu tantanası teatrnıñ tamaşa zalına küçte. Teatrğa bu köngä biletlar alğan tamaşaçılar öçen «Närkäs» melodraması täqdim itelde.

Başqort aqädemteatrınıñ direktorı, kürenekle artist Xörmätulla Ütäşev süzlärençä, yaña icat mizgelenä danlıqlı teatr kollektiwı berniçä yaña premerä da äzerläp betep kilä. Şularnıñ berse xalıq şağire Mäcit Ğafurıynıñ «Qızıl yoldız» äsäre nigezendä säxnäläşterelgän tamaşa. Ul oqtyäbr ayında kürsäteläçäk. Ä 30 sentäbr könne aqädemiä drama teatrında Mäcit Ğafurıynıñ tuuına 125 yıl tuluğa bağışlanğan zur bäyräm – tantanalı kiçä häm küp teatrlar artistları qatnaşlığında matur tamaşa bulaçaq.

Fänis Fätxi, Ufa.
XS
SM
MD
LG