Pekin. Tönyaq Koreäneñ şikle atom programması turındağı altıyaqlı söyläşülär, anda qatnaşqan illärneñ Qıtay täqdimnärenä üz mönäsäbäten aldan kötelgänçä, şimbägä qädär beldermäwenä qaramastan, yäkşämbedä yañartılaçaq, bu xaqta Qıtay yağı üze xäbär itte. Pekin Tönyaq Koreä belän inde 3 yıl däwam itkän qarşılıqnı beterü yulında totrıqlı kileşügä ireşüne tizlätü prinsipların täqdim itkän ide. Söyläşülärdäge amerikan wäkile Christopher Hill, Quşma Ştatlar şul täqdimne äle tikşerä, bezdä bu xaqta Washington belän eçke fiker alışular bara dip belderde. Pekin söyläşülärendä Tönyaq Koreädän tış, Qıtay, Yaponiä, Quşma Ştatlar, Könyaq Koreä häm Rusiä wäkilläre dä qatnaşa, alar barısı da bügen Qıtaynıñ tışqı eşlär ministrı urınbasarı oyıştırğan aş mäclesenä kilergä tieş.
