Bıyıl Tatarstan yuğarı uqu yortlarına BDB illäre häm Rusiä töbäklärennän 82 yäş millättäşebez belem alırğa kerde. İñ küp uqırğa kerüçelär Tatarstanğa kürşe bulğan Başqortstan belän Mari İle respublikalarınnan häm Kirov ölkäsennän bulğan. Monnan tış 8әү Xantıy-Mansi avtonomiä okrugınnan bar. BDB illärenä kilgändä, Üzbäkstan häm Qazaxstannan studentlar şaqtıy kergän.
Bilgele bulğança, çit töbäklärdäge tatar balaların yuğarı uqu yortına kertü buyınça maxsus programma bar. Dimäk yäş millättäşlärebezne uqırğa kerü Xökümät däräcäsendä xäl itelä. Kvota buyınça uqırğa kerüçelär sanı artuın-arta. Ämma älläni küpkä tügel. Yıl sayın sannar 70-80 student tiräsendä tibrälä. Yuğarı uqu yortları rektorları beldergänçä, berençe yıllarnı kvota buyınça uqırğa kilüçelärneñ belemnäre şaqtıy tübän bulğan. Küräseñ, kvota bulğaç niçek tä yarıy, barıber kertäçäklär dip fiker yörtkännär. Şuña rektorlar rizasızlıq beldergän. Mondıy xäl qabatlanmasın öçen Bötendönya tatar kongressı cıyılışlarında, Rusiä töbäklärendäge tatar oyışması citäkçelärenä yaxşı bilgelärenä genä uqığan, kiläçäktä üz töbäklärenä qaytıp ana telebezdä belem birä häm milli uçaqnı torğızıp cibärä torğan yäşlärne genä cibärülären soradılar. Çönki Tatarstan yuğarı uqu yortlarına kerüçe yäşlärne näq töbäktäge tatar oyışmaları citäkçeläre tuplıy.
Bıyıl uqırğa kergän 82 yäş millättäşebezneñ 60тан artığı köndezge bülektä, ä 20 tiräse çittän torıp belem ala. Yuğarı uqu yortları arasınnan kübese Qazan Däwlät universitetın saylağan – 20дән artığı älege yuğarı uqu yortınıñ studentı bulğan. Şunnan soñ ikençe bulıp Tatar däwlät gumanitar-pedagogiqa universitetı tora. Bötendönya tatar kongressı Başqarma komitetı wäkilläre Tatarstan Rektorlar Şurasınıñ bıyıl kvota birü mä’säläsenä şaqtıy iğtibar belän qarawın äytä. Dimäk añlaşu bar.
Ämma şunısı küñelne tırnıy - älege yäşlärneñ kübese Qazanda uqırğa kergännän soñ, şul urtaq qazanda qaynıy başlıy. Başqa student tormışı belän bäylänep kitä könküreşläre. Bötendönya tatar kongressı da alarnı onıta. Moña qädär äle kvota belän uqırğa kergän yäş millättäşlärebez belän ber genä oçraşu da bulğanı yuq ide. Bıyıl oktäber urtalarında nihayät tanışu kiçäsen oyıştırırğa bulğannar. Ul “Qazan” milli mädäniät üzägendä uzaçaq ikän. Anıñ belän Tatar yäşläre Forumı byurosı şöğellänä.
Landış Xarrasova.
