Accessibility links

Кайнар хәбәр

Rusiä sälämätlek ministrı Zurabov bulıp kitte


Başqortstanda Rusiäneñ sälämätlek saqlaw ministrı Mixail Zurabov bulıp kitte. Ul İske Baltaç awılında ütkän “Başqortstanda sälämätlek saqlaw üseşe” isemle kiñäşmädä qatnaştı. Kiñäşmä bulası bina yanına respublika häm parlament citäkçeläre, rayon häm şähär başlıqları, Başqortstandağı xastaxanälärneñ baş tabiblaları cıyılğan ide. İske Baltaç häm kürşe awıl xalqı kortej uzası uramnıñ ike yağına tezelde. Yul buyına çılbır bulıp bäyrämçä kiengän uquçılar basqan ide. Qunaqlarnı kötkändä epilepsiä öyänägennän ber ir yığıldı. Başı belän taşqa töşep , böten başı qanğa tuzdı. Anı ştat kiemendägelär tabiblardan bik tiz çitkä alıp quydı. Bu xälne kürgän awıl keşelärennän beräw aşığıç yärdäm maşinası çaqırttı. Ul yegerme minuttan ğına kilep citte. Ä aña qädär bu irgä yärdämne mal vraçı kürsätte. Şulay dip internetnıñ “Ufaweb” mäğlümat ağentlığı ireşterde.
XS
SM
MD
LG