“Azatlıq” tıñlawçıları xäterläsä, aña 26 mart Ufada uzğan uram cıyınındağı çığışı öçen cinayät eşe açılğan ide. Azaq 7 april Mäskäwdä yasağan çığışı öçen dä ğäyepläw östälde. Alarda ul xalıqnı xaqimiätne bärep töşerügä çaqıruda ğäyeplände. Qanun buyınça ägär cinayät berniçä urında yasalsa, mäxkämä qatıraq cinayät qılınğan urında uzarğa tieş. Ayratnıñ Mäskäwdäge çığışı qatıraq dip tabılğan, çönki ul çit il häm Rusiäneñ xäbärdarlıq çaralarında taralğan ide. Şunıñ öçen Ayrat Dilmöxämmätovnıñ sorawı belän ul Mäskäw mäxkämäsenä küçerelde. Qayber bäysez analitiklar monı Ayratnıñ ciñüe dip sanıy. Çönki Mäskäw mäxkämäsen respublika xakimiäte üz kontrolendä tota almıy.
