Baş prokuror Svyatoslav Piskun tikşerü eşe baruın raslasa da elekke Däwlät İminlege Şurası başlığı Petro Poroşenko östennän tikşerü eşe baru-barmawın äytmäde.
Bu ayda Ukraina xökümäte belän bergä Poroşenko da wazıyfasınnan alınğan ide.
2 atna elek däwlät sekretare Oleksandr Zinçenko Poroşenkonı häm başqa yuğarı räsmilärne korrupsiädä ğäyepläp wazıyfasınnan kitkännän soñ prezident Viktor Yuşçenko bu ğäyepläwlärne tikşerü öçen maxsus komissiä tözergä färman birde.
Poroşenko kiçä kiç tikşerü turında işetkännän soñ şok xälendä buluın äytte. Piskun tikşerelüçelär arasında elekke premyer ministr Yulia Timoşenkonıñ bulmawın belderde.
