Köçle yanğır häm cil uramdağı iğlannarnı, ağaçlarnı oçırttı. Texas ştatınıñ Beaumont şähärendä töndä elektr stansiäläreneñ qayber öleşläre şartladı. New Orleans şähärendä Katrina ğarasatınnan soñ tözelgän yaña bualar cimerelep şähärneñ qayber öleşlären yañadan su bastı.
Louisiana gubernatorı Kathleen Blanco xalıqnı iñ yuğarı cirlärgä menep saqlanırğa çaqırdı, şul uq waqıtta, ğarasatnıñ däxşätle bulmayaçağına ömet belderde:
"Bu ğarasattan soñ qotqaru eşläre kiräk bulmas dip ömetlänäm."
Räsmilär süzlärenä qarağanda, Rita dawılı – uzğan aydağı Katrina ğarasatı kebek ük qurqınıç tügel. Şulay uq Rita keşelär az yäşägän cirdän ütä. Bu töbäktä iñ küp xalıq yäşägän Houston şähären ğarasatnıñ uratıp ütäçägenä oxşağan.
Ämma ber meñgä yaqın keşeneñ ğömeren özgän häm milliardlağan dollar ziyan yasağan Katrinadan soñ räsmilär saq bulırğa tırışa. İke millionnan artıq keşe Rita dawılı kiler aldınnan bu töbäktän kitte. Katrina näticälärenä sülpän reaksiä belderüdä kisken täñqitlängän AQŞ prezidentı George Bush bügen üzeneñ tuğan ştatı Texasqa kilä. Waşingtonnan kiter aldınnan Bush, töbäktä barğan eşlärgä qomaçawlamasqa süz birde:
"Min ber eşkä dä qomaçawlamam, wäğdä itäm, monıñ öçen böten çaralarnı küräçäkbez," dide Bush.
Amerikanıñ neft sänäğäteneñ zur öleşe tuplanğan bu töbägenä ber ay eçendä inde ikençe köçle ğarasat kilä. Katrina dawılı qotırğan könnärdä ber miçkä neftneñ bäyäse 70 dollarğa citkän ide. Neft sänäğäte Rita ğarasatı kitergän zyannı borçılıp küzätä.
Alsu Qormaş
Louisiana gubernatorı Kathleen Blanco xalıqnı iñ yuğarı cirlärgä menep saqlanırğa çaqırdı, şul uq waqıtta, ğarasatnıñ däxşätle bulmayaçağına ömet belderde:
"Bu ğarasattan soñ qotqaru eşläre kiräk bulmas dip ömetlänäm."
Räsmilär süzlärenä qarağanda, Rita dawılı – uzğan aydağı Katrina ğarasatı kebek ük qurqınıç tügel. Şulay uq Rita keşelär az yäşägän cirdän ütä. Bu töbäktä iñ küp xalıq yäşägän Houston şähären ğarasatnıñ uratıp ütäçägenä oxşağan.
Ämma ber meñgä yaqın keşeneñ ğömeren özgän häm milliardlağan dollar ziyan yasağan Katrinadan soñ räsmilär saq bulırğa tırışa. İke millionnan artıq keşe Rita dawılı kiler aldınnan bu töbäktän kitte. Katrina näticälärenä sülpän reaksiä belderüdä kisken täñqitlängän AQŞ prezidentı George Bush bügen üzeneñ tuğan ştatı Texasqa kilä. Waşingtonnan kiter aldınnan Bush, töbäktä barğan eşlärgä qomaçawlamasqa süz birde:
"Min ber eşkä dä qomaçawlamam, wäğdä itäm, monıñ öçen böten çaralarnı küräçäkbez," dide Bush.
Amerikanıñ neft sänäğäteneñ zur öleşe tuplanğan bu töbägenä ber ay eçendä inde ikençe köçle ğarasat kilä. Katrina dawılı qotırğan könnärdä ber miçkä neftneñ bäyäse 70 dollarğa citkän ide. Neft sänäğäte Rita ğarasatı kitergän zyannı borçılıp küzätä.
Alsu Qormaş