Accessibility links

Äfğanstanda Saylaw Näticäläre İğlan İtelä


Uzğan atna, 18 sintäber könne Äfğanstanda uzğan parlament saylawlarınıñ näticäläre iğlan itelä başladı. Berläşkän Millätlär Oyışması räsmiläre qatnaşında Berläşterelgän Saylaw İdaräse üzeneñ internet säxifäsendä Farah, Nimroz häm Uruzgan vilayätläre öçen sannar bäyän itte. İdaräneñ räsmi wäkile Peter Erben, tawışlarnı sanaw aldan wäğdä itelgänçä, üktäber başlarında tämamlanaçaq, dip belderde:"Tawışlarnı sanaw yaxşı bara, 32 saylaw üzägendä eşne 100%qa tämamladıq. Böten Äfğanstan buylap tawışlarnıñ 19%tı sanalğan. Soñğı berniçä köndä bez bu eşne tağın da tizlättek. Qabul saylaw üzägendä 64 östäldä sanaw eşläre bara. Bu, könenä 3-4 meñ bülleten sanaluın añlata. Näticälär, aldan äytelgänçä, üktäber başlarında iğlan iteler," dide Erben. Saylawlarda 6 million 800 meñgä yaqın keşe qatnaşqan, alarnıñ 43%tı – xatın-qızlar. Berençel näticälär üktäberneñ 4sendä, räsmi sannar 22nçe üktäberdä iğlan iteler dip kötelä. İlneñ könyağındağı Zabul provinsiäsendä Chinook amerikan xärbi boralağı häläkätkä oçradı, eçendä bulğan 5 oçuçı barısı da häläk buldı.
XS
SM
MD
LG