Sorawlarğa cawap tota başlar aldınnan Vladimir Putin qısqa ğına kereş süz äytte. Bu süzendä ul iqtisadi üseşneñ yuğarı buluın häm şuşı kürsätkeç belän Rusiäneñ aldınğı illär rätenä kerüen äytte:
"Soñğı berniçä yıl däwerendä iqtisadnıñ üseşe yılına 7% täşqil itä. Bu küp kenä alğa kitkän häm täräqqıy itkän illärdän küpkä kübräk. Bez iñ berençelärdän tügel, ämmä aldınğılar arasında."
Ul arada prezidentqa birelgän sorawlarnıñ kübese sotsial mäsälälär: yuğarı benzin bäyäläre, tübän pensiälär, qimmät toraq, sälämätlek, mäğärif ölkäsenä qaradı. Soraw birüçelär neft satudan kilgän zur aqçalarnı tormış şartların yaxşırtuğa yünältergä ütende. Mondıy sorawlarğa cawap itep prezident bu citeşsezleklärne beläm, xökümät monıñ östendä eşli, çaralar kürelä dip ışandırdı.
Televidenie kameralarnıñ berse Çeçnädä urnaştırılğan ide. Zäynäp xanım Canbekova berniçä yıl elek ulınıñ xäbärseñ yuğaluın äytep, Çeçnädä soñğı yıllarda meñlägän keşeneñ urlanuı, iminlek xezmätläre totqarlağannan soñ xäbärsez yuğalu oçraqları turında soradı. İlbaşı bu cinäyätlärneñ xoquq saqlawçılar tarafınnan da qılınu ixtimalın tanıdı:
"Qayçaq bu cinäyälär artında kem torğanın belep tä bulmıy: banditlarmı ul ällä räsmi xoquq saqlaw oyışmalarımı. Niçek kenä bulmasın, bez yuğalqan keşelärne elzäwne dä monıñ artında toruçılarnı açıqlaw eşen dä däwam itäçäkbez."
Ber çit il studentı Rusiädä taqır-başlar, natsizmnıñ köçäyüe turında soradı. Putin mondıy wahşi küreneşlärneñ buluın tanıdı, monıñ öçen xättä ğafu ütende, alarnı tamırınnan yuq itü öçen barısın da eşlärgä wäğdä itte.
Tışqı säyäsätkä qağılğan siräk sorawnıñ bersen Saxalinnan Denis isemle ber student yeget birde. Ul Kuril utrawlarınıñ yazmışı turında soradı. Utrawlarnıñ Yaponiägä tapşırılu ixtimalın Putin kire qaqtı:
"Alar Rusiä qaramağında, bu ikençe dönya suğışı näticäse, xalqara qanunnarda terkälgän. Bu yaqtan bez bernärsä dä üzgärtergä cıyınmıybız. Ämmä şuşı noqtağa tayanıp bez kürşelär, şul isäptän Yaponiä belän bar bäxäsle mäsälälärne tikşerergä äzer."
Sorawlarnıñ berse, aldan kötelgänçä, Putinnıñ 2008 yılda prezidentlıq möddäte betkännän soñ kiläçäkkä plannarı turında ide. Ulyannan İgor Guskov isemle keşe öçençe möddät turında referendum ütkärergä täqdim itte. Putin, tağın ber tapçqır, öçençe möddätkä qalu ixtimalın kire qaqtı:
"Min üzemneñ wazifanı ilneñ kiläçäktä üseşen täemin itü öçen şartlar buldıruda küräm. Citäkçelekkä yäş, aqıllı belgeçlär kilergä tieş. Şuña kürä Konstitutsiägä nindider üzgäreşlär kertüneñ kiräge yuq. Mineñ üzemä kilgändä, xärbilär äytüençä, min safta üzemneñ urınnı tabırmın."
Putinğa soraw birep cawap alu bäxetenä ireşkännär arasında Tatastan keşeläre dä bar. Çallıdan Aleksandr Kulkov isemle beräw prezidenttan, sez sezneñ quşqannarnı çinovniklar cirenä citkerep eşli dip ışanasızmı, sabotaj yuqmı dip sorağan. Putin: sabotaj yuq, läkin bar närsäneñ dä cirenä citkerelep eşlänüenä ışanmıym, Rusiä zur, problemalar küp digän cawap qaytarğan.
Soñğısı belän kileşmi bulmıy. Oyıştıruçılar äytüençä, prezident isemenä törle elemtä çaraları: telefon, internet, sms aşa barlığı milionnan artıq soraw kilgän. Sişämbedä Putin şularnıñ 60na cawap birde.
-Ali Gilmi
"Soñğı berniçä yıl däwerendä iqtisadnıñ üseşe yılına 7% täşqil itä. Bu küp kenä alğa kitkän häm täräqqıy itkän illärdän küpkä kübräk. Bez iñ berençelärdän tügel, ämmä aldınğılar arasında."
Ul arada prezidentqa birelgän sorawlarnıñ kübese sotsial mäsälälär: yuğarı benzin bäyäläre, tübän pensiälär, qimmät toraq, sälämätlek, mäğärif ölkäsenä qaradı. Soraw birüçelär neft satudan kilgän zur aqçalarnı tormış şartların yaxşırtuğa yünältergä ütende. Mondıy sorawlarğa cawap itep prezident bu citeşsezleklärne beläm, xökümät monıñ östendä eşli, çaralar kürelä dip ışandırdı.
Televidenie kameralarnıñ berse Çeçnädä urnaştırılğan ide. Zäynäp xanım Canbekova berniçä yıl elek ulınıñ xäbärseñ yuğaluın äytep, Çeçnädä soñğı yıllarda meñlägän keşeneñ urlanuı, iminlek xezmätläre totqarlağannan soñ xäbärsez yuğalu oçraqları turında soradı. İlbaşı bu cinäyätlärneñ xoquq saqlawçılar tarafınnan da qılınu ixtimalın tanıdı:
"Qayçaq bu cinäyälär artında kem torğanın belep tä bulmıy: banditlarmı ul ällä räsmi xoquq saqlaw oyışmalarımı. Niçek kenä bulmasın, bez yuğalqan keşelärne elzäwne dä monıñ artında toruçılarnı açıqlaw eşen dä däwam itäçäkbez."
Ber çit il studentı Rusiädä taqır-başlar, natsizmnıñ köçäyüe turında soradı. Putin mondıy wahşi küreneşlärneñ buluın tanıdı, monıñ öçen xättä ğafu ütende, alarnı tamırınnan yuq itü öçen barısın da eşlärgä wäğdä itte.
Tışqı säyäsätkä qağılğan siräk sorawnıñ bersen Saxalinnan Denis isemle ber student yeget birde. Ul Kuril utrawlarınıñ yazmışı turında soradı. Utrawlarnıñ Yaponiägä tapşırılu ixtimalın Putin kire qaqtı:
"Alar Rusiä qaramağında, bu ikençe dönya suğışı näticäse, xalqara qanunnarda terkälgän. Bu yaqtan bez bernärsä dä üzgärtergä cıyınmıybız. Ämmä şuşı noqtağa tayanıp bez kürşelär, şul isäptän Yaponiä belän bar bäxäsle mäsälälärne tikşerergä äzer."
Sorawlarnıñ berse, aldan kötelgänçä, Putinnıñ 2008 yılda prezidentlıq möddäte betkännän soñ kiläçäkkä plannarı turında ide. Ulyannan İgor Guskov isemle keşe öçençe möddät turında referendum ütkärergä täqdim itte. Putin, tağın ber tapçqır, öçençe möddätkä qalu ixtimalın kire qaqtı:
"Min üzemneñ wazifanı ilneñ kiläçäktä üseşen täemin itü öçen şartlar buldıruda küräm. Citäkçelekkä yäş, aqıllı belgeçlär kilergä tieş. Şuña kürä Konstitutsiägä nindider üzgäreşlär kertüneñ kiräge yuq. Mineñ üzemä kilgändä, xärbilär äytüençä, min safta üzemneñ urınnı tabırmın."
Putinğa soraw birep cawap alu bäxetenä ireşkännär arasında Tatastan keşeläre dä bar. Çallıdan Aleksandr Kulkov isemle beräw prezidenttan, sez sezneñ quşqannarnı çinovniklar cirenä citkerep eşli dip ışanasızmı, sabotaj yuqmı dip sorağan. Putin: sabotaj yuq, läkin bar närsäneñ dä cirenä citkerelep eşlänüenä ışanmıym, Rusiä zur, problemalar küp digän cawap qaytarğan.
Soñğısı belän kileşmi bulmıy. Oyıştıruçılar äytüençä, prezident isemenä törle elemtä çaraları: telefon, internet, sms aşa barlığı milionnan artıq soraw kilgän. Sişämbedä Putin şularnıñ 60na cawap birde.
-Ali Gilmi