[ qırımtatar telendä ]
Qırım Yuqarı Radası 28 sentyaberdä Qırım ukümetinın yanı azalarını belgiledi. Olar arasında qırımtatar vekilleri de bar. Ukümet reisinin 2 muavini qırımtatarları: Aziz Abdullaev ve Şevket Asanov tayinlendiler. Transport, alyaqa, yaqarlıq naziri Albert Kangiev oldı. Milletler işleri, matbuat, aile, yaşlar işleri 3 komitetnide qırımtatar vekileri etekleyler. Meclis reisi Mostafa Cemil oğlu, biz daa bir qaç komitetler boyunca seyleşüvler keçirecekmiz, dedi.
Meclis reisinin muavini Refat Çubarov prezidentnin Qırımdaki vekili etip tayinlenmegenini M.Cemil oğlu, R.Çubarov ozü bu vazifege keçmege areket etmegeninen, dip anlattı. Amma prezident R.Çubarovqa bu vazifeni teklif ettimi yoqmı belli degil.
Aqmescitte 4 kun devam etken qırımtatar yaşlar Qurultayı oz işini 25 sentyaberdä ekünledi. Onın işinde Türkie, Romaniyadan kelgen qırımtatar yaşlarıda iştirak etti.
Berlinde 19-22 sentyaberdä keöken "Qırımtatar medeniet kunlerine" qırımtatar teatri barmağanını Kievden kelgen Meclis reisi izaatlap, teşkilyatçılar avtobus içün aqça tapmağanlar: bundan ğayrı kunlerni teşkil etken teşkilyatlarnın birisi Türkieni kurd ve ermeni meselesinde tenqıd etkeni bizge malüm oldı. Men ozüm de Berlinge çağırılğan edim, ve biz barıp olğan olsa edik bu meseledede oz fikirimizni bildirir edik, dedi.
Aqmescit yanındaki Kamenka, Beloe, Hoşkeldi qasabalarında yaşağan qırımtatarları bu qasabalarnın 15 yıllığını 25 sentyaberdä bayram ettiler. Bu tantanalı tedbirde Meclis azalarıda iştirak ettiler.
5-6 oktyabrde Aluştada "Tatarstan - Qırım: sınırsız emekdaşlıq" adlı biznes-forum keçedcek. Tatarstandan 30ğa yaqın iş adamı kelecek. Forumnın maqsadı Qırım Tatarstan arasında çeşit alyaqalarnı canlandırmaq ve inkişaf etmektir
Diläwär Osman, Aqmäçet