Yevropa Berlege Üzbäkstanğa, Ändican waqiğälären tikşerügä xalıqara cämäğätçelekne qatnaştırmağanı öçen çikläwlär kertäçäge belän yanadı. Sanksiälär düşämbe könne Yevropa Berlege tışqı eşlär ministrları utırışında iğlan iteläçäk häm çikläwlär Üzbäk watandaşlarına viza birü, häm Üzbäkstanğa qoral häm xärbi cihazlar kertügä qağılaçaq. Şulay uq Yevropa Berlegeneñ yärdäm programmaları qısqartılaçaq. Taşkenttağı tışqı eşlär ministrlığınnan älegä ber nindi cawap ta bulmadı.
