Bern -- Rusiäneñ elekke Atom energiä ministrı Yevgeny Adamov, Rusiägä tügel – Quşma Ştatlarğa tapşırılaçaq. Bu turıda bügen Şveytsariäneñ Yustitsiä Ministrlığı xäbär itte. Amerikan räsmiläre anı ministr bulıp eşlägändä 9 million dollar aqça üzläşterüdä ğäyepli. Bu aqçanı Quşma Ştatlar Rusiägä atom stansiäläreneñ iminlegen arttıru öçen birgän bulğan. Quşma Ştatlar sorawı belän Adamov şuşı ylnıñ Mayında Şveytsariägä kilgäç qulğa alındı. Räsmi Mäskäw isä, Adamov Rusiäneñ atom serlären Quşma Ştatlarğa satırğa mömkin dip anı üzenä tapşırırğa sorıy. Şveytsariäneñ Yustitsiä Ministrlığı Adamovqa şikäyät belderü öçen 30 kön waqıt birde.
