Qazandağı “Bars-media” şirkätläre törkeme belän “Tatar radiosı” wäkilläre, Ufağa kilep, yäş talantlarnı açıqlaw maqsatında, kasting oyıştırdı. Ufada alarğa “Aydar” teatr-studiäse belän “Atna” näşriät yortı bulışlıq itte. Sınaw bäygeläre dä “Aydar” teatr-studiäse binasında ütte. Qazannan yäş tatar başqaruçıları arasınnan iñ sälätlelärne açıqlaw öçen kilüçelär törkemen “Bars-media” şirkätläre törkemeneñ general'' direktorı Färit Taişev citäkläde. “Yoldızlar fabrikası” dip atalğan mondıy saylap alu bäygelären “Bars-media” moñarçı fäqät Qazanda ğına ütkärä ide. Ä menä bıyıl Tatarstannıñ berniçä şähärendä dä alarnı oyıştırğannan soñ, Başqortstandağı yäş talantlarnı açıqlarğa da waqıt citte dip uyladılar axrı.
Başqortstanda da üz köçlären sınap qararğa teläwçe häwäskär cırçılar şaqtıy bulıp çıqtı. Ufadan ğına tügel, ä respublikanıñ baytaq qına rayonnarınnan da yegetlär häm qızlar kilde. Tatarlar küpläp yäşägän Blagovar, Büzdäk, Çaqmağış, İleş, Dürtöyle rayonnarınnan kilüçelär sanınıñ küp buluı sizelde. Kasting şartlarına yaraşlı, yäş cırçılar ike cır başqarırğa tieş ide. Berse fonogramma belän kompozitor äsäre, ä ikençese, akapella, yäğni muzıkal'' bizäleşsez ber xalıq cırı. Yäş-cilkençäkneñ baytağı älege sınawğa citdi genä äzerlängän. Ämma aralarında kem äytmeşli, qolaqlarına ayu basqannarı da yuq tügel ide. Andıyları närsägä isäp totqandır, ber Xoday üze genä belä.
Cämğıse 30 ğa yaqın keşe çığış yasadı bu sınawda. Kasting tämamlanğannan soñ, “Azatlıq” xäbärçese jyuri räise Färit Taişev belän qısqaça ğına äñgämä qorıp aldı. “Başqortstanğa kilü niätebez küptän küñelne qıtıqlap tora ide, - dide Färit äfände. – Kilüebez buşqa bulmadı, ömetle yäşlärne, yaña yoldızlarnı açıqladıq”.
Ufada ütkän kastingnıñ jyuri räise Färit Taişev buldı bu. Ul citäklägän “Bars-media” prodyuserlıq üzäge Ufadağı bäygedä ciñep çığuçılarğa ber atnadan xäbär cibäräçäk. İñ sälätlelär Qazanda “Tatar cırı-2005” telefestivalendä qatnaşu bäxetenä ireşä. Ä iñ-iñ talantlılar belän “Bars-media” şirkäte kiläçäktä icadi xezmättäşlek öçen ayırım kileşülär dä töyiäçäk ikän.
Başqortstanda da üz köçlären sınap qararğa teläwçe häwäskär cırçılar şaqtıy bulıp çıqtı. Ufadan ğına tügel, ä respublikanıñ baytaq qına rayonnarınnan da yegetlär häm qızlar kilde. Tatarlar küpläp yäşägän Blagovar, Büzdäk, Çaqmağış, İleş, Dürtöyle rayonnarınnan kilüçelär sanınıñ küp buluı sizelde. Kasting şartlarına yaraşlı, yäş cırçılar ike cır başqarırğa tieş ide. Berse fonogramma belän kompozitor äsäre, ä ikençese, akapella, yäğni muzıkal'' bizäleşsez ber xalıq cırı. Yäş-cilkençäkneñ baytağı älege sınawğa citdi genä äzerlängän. Ämma aralarında kem äytmeşli, qolaqlarına ayu basqannarı da yuq tügel ide. Andıyları närsägä isäp totqandır, ber Xoday üze genä belä.
Cämğıse 30 ğa yaqın keşe çığış yasadı bu sınawda. Kasting tämamlanğannan soñ, “Azatlıq” xäbärçese jyuri räise Färit Taişev belän qısqaça ğına äñgämä qorıp aldı. “Başqortstanğa kilü niätebez küptän küñelne qıtıqlap tora ide, - dide Färit äfände. – Kilüebez buşqa bulmadı, ömetle yäşlärne, yaña yoldızlarnı açıqladıq”.
Ufada ütkän kastingnıñ jyuri räise Färit Taişev buldı bu. Ul citäklägän “Bars-media” prodyuserlıq üzäge Ufadağı bäygedä ciñep çığuçılarğa ber atnadan xäbär cibäräçäk. İñ sälätlelär Qazanda “Tatar cırı-2005” telefestivalendä qatnaşu bäxetenä ireşä. Ä iñ-iñ talantlılar belän “Bars-media” şirkäte kiläçäktä icadi xezmättäşlek öçen ayırım kileşülär dä töyiäçäk ikän.
Fänis Fätxi, Ufa
