Accessibility links

Кайнар хәбәр

Xorvatiä Yewropa Berlegenä quşılu söyläşüläre başlanunı xupladı


Xorvatiä citäkçeläre ilneñ Yewropa Berlegenä quşıluı turında räsmi söyläşülärneñ başlanuına xuplaw belderüe belän bergä alda awır eş tora di. Prezident Stripe Mesic kiçä kiç däwlät radiosında çığış yasadı. "Äyye, bu yaxşı xäbär. Bez eyforiägä birelmäskä tieş. Monıñ berençe möhim adım buluın añlarğa kiräk. Xäzer eşlärgä häm bu eşne tämamlarğa tieşbez. Watandaşlarıbıznıñ tormışın yaxşırtırğa tieşbez" dide Mesic.

Premyer ministr İvo Sanader qıyın reformalar kiräk bulaçaq dide. Näticädä çığımnarı kübräk bulğan däwlät şirkätlärenä, şulay uq sälamätlek saqlaw häm awıl xucalığı tarmaqlarına subsidiälär kimeterelergä mömkin. Ul şulay uq Zagrebnıñ suğış cinayätlärendä şiklänelüçe elekke General Ante Gotovinanı qulğa alu yöklämäse turında da belderde. Yewropa Berlege Xrovatiä belän söyläşülärne barı tik BMOnıñ suğış cinayätläre tikşerüçe baş wäkile Carla Del Pontedan Zagreb Gotovinanı totu öçen buldıra alğannıñ barısın da eşli digän belderü alğannan soñ ğına rizalaştı.
XS
SM
MD
LG