Biredä Xalıqara Atom Energiäse İdaräse başlığı Möxämmät äl Baraday İran belän Yewropa Berlege arasında Tährannıñ atom programması turındağı söyläşülär ber ay eçendä yañartılır dip isäpläwen belderde.
El Baraday Rusiä dä uzğan ayda kileşüsez özelgän bu söyläşülärne yañartu öçen tırışa dide.
Yewropalılar çikläwlär kertü öçen İran mäsäläsen BMO İminlek Şurasına tapşıru turında uyliy.
Äl Baraday partnerlar üz yözlären saqlap qaluçı çişeleş tabarğa tieş dide. Sişämbe könne İran Yewropa belän söyläşülärne yañartırğa äzer buluın belderde.
