Accessibility links

Кайнар хәбәр

Töbäk turizmın nindi yünäleştä üsterergä?


Bu sorawğa cawapnı pänceşämbe könne Qazan milli-mädäni üzägendä uzğan xalıqara konferensiädä ezlädelär. “Bötendönya mirası şähärlärendä töbäk turizmı üseşe” dip atalğan bu cıyın öç kön däwamında baraçaq.

Konferensiädä töbäk häm munitsipal' üseş çiklärendä mädäni miras häm turizm, Qazan meñellığınıñ turizm üseşenä tä'sire, turizm üseşendä eşmäkärlär häm üz eşeneñ ostası bulğan ictimaği oyışmalarınıñ totqan urını, turizm ölkäsendä xezmättäşlek itü, turistlıq häm töbäklärdäge oxşaşlıq kebek temalar kütäreläçäk. Cıyında qatnaşuçılar şulay uq Musa Cälil isemendäge opera häm balet teatrı häm Raifa monastıyrena dä baraçaq.

Qızğanıç konferensiädä qatnaşuçılar arasında tatarça söyläşüçelärne tabıp bulmadı. Cıyında kürşe respublikadan kilüçelär şaqtıy küp ide. Başqortstanda YUNESКO eşläre buyınça cawaplı särkätip Şäfqät Tutayıwnı äytüençä bu bik siräk bula torğan forum. Rusiädä, xalıqara däräcäsendä uzğan Bötendönya mirası şähärlärendä turizmnı üsterügä bağışlanğan mondıy cıyınnarnı min xätta xäterlämim dä. Bu cıyın bik üzençälekle, çönki ul töbäk statusına iä. Bu subyektlar öçen, şul isäptä Tatarstan, Başqortstan öçen bik möhim. Şäfqät Tutaev äytüençä, Tatarstanda turizmnı üsterü Başqortstannan başqa bula almıy häm kiresençä Başqortstanda Tatarstannan başqa bulmıy. Şunıñ öçen berdäm turistlıq firmaların tözü möhim. Çönki, mäsälän, Qazanğa kilgän amerikannar Qol Şärif mäçeten kürep çıqqannan soñ alarnıñ Şülgäntaş mäğäräsen dä küräse kilä, di Başqortstan wäkile. Alay ğına da tügel töbäk turizmı xalıqara turizmınnan ayırmalı bularaq belem, mäğrifät taratırğa tieş. Monıñ öçen ğalimnär, yazuçılar, şağirlär belän oçraşular kiräk. Başqortstannıñ Mäcit Ğafuri isemendäge teatrı artistları, mäsälän, Tatarstan wäkilläre belän bik räxätlänep söyläşäçäk, oçraşular ütkäräçäk, dide Şäfqät Tutaev. Ul turizmnı üsterüdä tağın ber möhim mäs'älädä tuqtadı. Turizm ul Qol Şärif, İxlas mäçetlärendä tügel, ä İleş, Aqtanış rayonnarınnan başlana dide. Şunıñ öçen turizmnı keçkenä şähärlärdä dä üsterergä kiräk.

Konferensiädä şulay uq Yaroslavl', Mäskäw ölkälärennän, Germaniä, Niderlandıdan da belgeçlär qatnaştı. Almannar xalıqara häm töbäk turizmın üsterüdä telneñ ähämiäte, uquçı yäşlär öçen maxsus programmalar turında söyläde. Tatarstan wäkilläre meñellıqnı ütkärü täcribäse belän urtaqlaştı, maxsuslaştırılğan yuğarı uqu yortlarında menedjerlar äzerläw turında söyläde.

Al'bina Zäynulla

XS
SM
MD
LG