Aldağı yäkşämbedä, oktäberneñ tuğızında- saylawlar. Saylawlar keçkenä şähärlärdä, poseloklarda häm awıllarda uzaçaq. Şul uñay belän “Tuğan tel” isemle Samara ölkä tatar cämğiäte munitsipal', cirle saylawlarda qatnaşuçılarğa möräcäğätnämä belän çıqtılar. Möräcäğätnämäneñ eçtälege tübändäge:
“ Xörmätle yaqtaşlarıbız, qäderle duslarıbız! Yäkşämbe könne cirle xakimiätlärgä saylawlar uzaçaq. Bu saylawlar cirle üzidarä reforma qısalarında uza. Bu bik möhim programma, çönki aldağı könnärdä Sez torğan cirdäge tärtip, yäşäyeş Sez saylap quyğan şäxeslärneñ buldıqlılığına bäylängän bulaçaq. Bu reforma Sezneñ – här grajdannıñ aktivlığına bäylängän. Sez saylap quyğan deputatlar Sezneñ isemnän cirle byudjet belän, cirle milek belän idärä itäçäklär, toraq- kommunal' häm başqa möhim mäs'älälär alar cilkäsendä bulaçaq. Bu inde- Sezneñ öyegezdäge su, gaz, cılılıq, yullar, meditsina xezmäte, sotsial' xezmät, ğailägezdä milli ğöref- ğädät saqlanu digän süz. Şuña da, toraq ciregezneñ yazmışı xäl itelgän çorda bitaraflıq kürsätmiçä, tirän aqıl, taläpçänlek belän cirle saylawlarda qatnaşığız”,- dielä “Tuğan tel” isemle Samara ölkä tatar cämğiäte möräcäğätnämäsendä.
