Accessibility links

Кайнар хәбәр

Başqortstan Respublika könen bilgeli


Başqortstan bu könnärdä bäyräm ruxında yäşi. 11 üktäbr könne Başqortstan üzeneñ töp bäyrämen – Respublika könen bilgeli. Başqortstannıñ Möstäqillek turında Deklaratsiä qabul itüenä 15 yıl tulu belän turı kilde ul bıyıl. Şuña kürä dä monı respublikanıñ yuğarı citäkçeläre yübiley bularaq küpkä aldan uq propagandalıy başladı. İnde möstäqillek digän töşençädän bernärsä dä qalmasa da, räsmi matbuğatta bu bäyrämgä zur iğtibar birelä. Xaqimiät dairäläre bıyıl xalıqqa moñarçı bulmağan zur tantanalar, kiñ qolaçlı bäyräm çaraları wäğdä itä. Artistlarnı xätta küp aqçalar tüläp Mäskäwdän dä çaqıralar. Bäyräm köne 11 üktäber bulsa da, aña bağışlanğan törle çaralar bügennän ük başlandı inde. Respublika citäkçeläre bäyräm uñayınnan törlese törle rayonda yaña binalarnı, küperlärne häm başqa tözeleş obyektların faydalanuğa tapşıruda qatnaşa. Prezident Mortaza Räximov ta comğa könne Büzdäk, Tuymazı häm Älşäy rayonnarında säfärdä bulıp şaqtıy ğına qızıl tasmalar kisep yörde. Bäyrämneñ töp räsmi çarası şimbä könne Ufada ütäçäk. Respublika citäkçeläre, Başqortstan Däwlät Cıyılışı deputatları, rayonnar häm şähärlär xaqimiätläre başlıqları, törle oyışmalar wäkilläre, här yıldağıça, Başqortstan däwlät opera häm balet teatrında ütüçe tantanalı utırışqa cıyıla. Annan soñ yäkşämbedän başlap respublikada öç kön yal iğlan itelä. Bäyrämneñ barlıq mädäni häm sport çaraları näq menä şul könnärdä oyıştırılaçaq ta inde. Başqortstannıñ suverenlıq turında Deklaratsiä qabul itüennän soñ bäyräm itelä başlağan Respublika köne xäzer inde ğädätkä kerde. Möstäqillek üze betsä dä, xaqimiätlär anı kiläçäktä dä bäyräm itü yaqlı. Şul uq waqıtta respublikada Mäskäw belän mönäsäbätlärne tağın da kileşü nigezendä qorırğa isäplilär. Bu maqsatta Rusiä Federätsiäse belän Başqortstan arasında wäqälätlärne üzara büleşü turında 1994 yılda uq tözelgän Kileşüne yañartu xästärlekläre turında soñğı könnärdä küp söylänelä. Däwlät Cıyılışı räise Konstantin Tolkaçev ta atnaqiç ütkärgän matbuğat oçraşuında monı açıq äytte. Mäskäw bu niätlärgä niçek qarıydır, ul xaqta älegä bernindi fiker dä äytelmi.
XS
SM
MD
LG