Accessibility links

Кайнар хәбәр

Paqstanda cir teträwdä 23 meñ keşe ülgän


Şimbä könne Könyaq Aziädä bulğan däxşätle cir teträwdän soñ qotqaru eşläre bik sülpän bara. Yärdäm çaralarına bügen tönyaq Paqstanda yawa başlanğan qatı yañğır qomaçawlıy. İslamabadta çığuçı Dawn basması xäbärçese Ziauddin, Azatlıq radiosına Kaşmirnıñ Paqstan yağındağı öleşendä wazğiätne menä niçek sürätläde:
>"Anda xaos, anda xaman da xaos. Keşelär yaralanğan. Böten Muzzafarabad şähäre buylap mäyetlär yata. Paqstan Kaşmirı premyer-ministrı bügen üzen zirat premyer-ministrı dip atadı."

BMO räsmiläre süzlärenä qarağanda, töbäkkä yortsız qalğan millionlağan keşegä azıq-tölek, darular häm çatırlar kiterer öçen boralaqlar citmi. Paqstanda cir teträwdä häläk bulğannarnıñ sanı 23 meñ, Hindstanda 1300gä yaqın dip xäbär itelä.
XS
SM
MD
LG