Accessibility links

Äfğanstanda polisiägä höcüm tikşerelä


Düşämbe könne könbatıştağı Helmand provinsiäsendä kimendä 18 polisiä xezmätkäreneñ häläk buluına kitergän qamawğa alu häm höcümne oyıştırırğa Talibanğa Paqstan belän çik buyında kontrabanda belän şöğellänüçelär yärdäm itkän dip şiklänelä. Vilayätneñ polisiä başlığı general Abdul Rahman, Azatlıq radiosına, tawlı Bahram Çah yağı höcümnär öçen bik caylı urın, dip belderde:
>"Anda tarlawıq bar. Höcüm itüçelär şul tarlawıqnı barlıq yaqlardan qamawğa alğan. Polisiä maşinaları çoqırğa kilep kergäç tä höcüm başlanğan. Alar ber tawğa menep qaçırğa tırışqan, ämma barlıq yaqlardan ut açılğan," dide Äfğanstan polisiäse wäkile.

Taliban suğışçıları 5 polisiä maşinasın yuq itkän, 6nçısın üzlärenä alğan. 150 keşelek polisiä konvoyı polisiäneñ yaña başlığın Bahram Çah töbägenä xezmätkärlär belän tanıştıruğa alıp barğan bulğan. Polisiä başlığı üze isän qalğan, anıñ yärdämçese häläk bulğan.
XS
SM
MD
LG