Kabarda-Balqarnıñ iminlek köçläreneñ räsmiläre, berençe atışular tönne Nalçik bistäse Aq Yılğada buldı dip belderdelär. Şunnan soñ atışular şähärneñ üzenä cyelgän.
Atışular-audio
Radiobızn Rus redaksiäseneñ Tönyaq Osetiäneñ Vladikafkaz şähärendäge xäbärçese Nalçiktağı kolegalarınan şundıy mäğlümät alğanın belderde.
Kollegalarımnıñ belderüenä qarağanda, atışular Nalçiknıñ bistäsendä tönne başlanğan. Beräv militsiägä şaltratıp Aq yilgada 10 çaması qorallı keşe kürgänen äytkän. Tikşerü öçen cibärelgän militsionerlarğa höcüm itelgän. Bügen irtän isä atışular Nalçiknıñ törle öleşlärenä cäyelgän. Federal Eçke Eşlär ministelegeneñ cirle başkvartirına, iminlek ministerleklärenä , militsiä noqtalarına höcümnär bulğan.''
Ä inde Rusiä Eçke Eşlär Ministereneñ urınbasarı Aleksander Çekalin bügenge vaqiğälärne Putingä başqaçaraq añlattı.
"İke kön elek iminlek köçläre 500 kilogram şartlagıç bulğan urın faş ittelär. Bu inde militantlarnıñ citdi höcümgä äzerlänülären kürsätte. Bez bu şartlatqıçlarnıñ kemneke buluın bilgelärgä tırıştıq. Kiçä tönne Nalçik yaqnındağı yal urnı Aq Yılğada 10 keçelek törkem faş itelde. Alar qatı qarşılıq kürsättelär. Öçese üterelde, qalğannarı qamap alındı. Ul törkem bügen tulısınça yuq itelde."
Çekalin şulay uq Rusiä prezidentı Putin iminlek köçlärenä qarşılıq kürsätkän här kemne atıp üterergä kürsätmä birde dip tä belderde.Rusiä mäğlümät çaraları iminlek räsmiläreneñ belderülärenä tayanıp, koordinatsiälängän höcümnärdä dä 150 belän 300 arasında militant qatnaşqan dip xäbär itälär. Alarnıñ nindi millättän buluları bilgesez. Uzğan ayda prezident Valeri Kokovnıñ urnın alğan Arsen Kanokov İtar-Tassqa 50 militant häm 12 sivil hälak buldı, 50 keşe yaralandı dip belderde. Başqa mäğlümät birmäde. Bu sannarnıñ döreslegen dä, militantlarıñ sanın da raslau mömkinlege yuq. AP Sälämätlekne Saqlau Ministerlege süzçesenä tayanıp, 13 keşe hälak bulğan, 75 keşe yaralanğan dip xäbär itte. Radiobıznıñ Tönyaq Kafkaz Redaksiäseneñ xäbärçese Nalçiktan bolarnı belderde.
"Min Lenin uramı belän Kuliyev uramı kiseşkän poçmaqta . Monda miltantnıñ mäyete bulğan maşina tora. Uramnıñ ikençe yağında başqa ber mäyet yata. Keşelär ul da militant dip äytälär. Yıraqtaraq soldatlar yartı şärä ir-atnı östäräp alıp kitälär. Keşelär ul da militant dip äytälär."
İminlek köçläre şähär üzägen uratıp alğannar. Vladikafkazdağı xäbärçebez militsiä köçläre Nalçikqa yul tota dip belderde.
"Kabarda-Balqarnıñ kürşeläre , şul sanda Tönyaq Osetiä belän çikläre yabılğan. Tönyaq Osetiädän eçke eşlär häm başqa iminlek köçläre Kabarda-Balqarğa cibärelgän."
Kabarda-Balqarda häm Tönyaq Kafkazdağı başqa respubikalarda soñğı aylarda kierenkelek üste, yış qına törle höcünär bulğalıy.Uzğan yılnıñ iyün ayında İnguşetiädä dä, Nalçiktağına oxşaş höcümnär bulğan ide. Ä inde uzğan yılnıñ dikäberendä Kabarda-Balqarnıñ narkokontrol idaräsenä höcüm bulğan ide. Ul vaqıtta idaräneñ dürt militisonerı üterelgän häm küpläp qoral urlanğan ide. Respublikanıñ Yuğarı Mäxkämäsendä monıñ belän qatnaşı buluda şiklänelgän biş keşeneñ eşe buyınça tıñlaular bara. Alanıñ ikese narkokontrol idaräseneñ elekke xezmätkärläre. Dikäberdäge höcüm öçen Basayev belän elemtäse bar dip belderelgän Yarmuk Cemaat üz östenä alğan ide. Kabarda-Balqarda iñ kimendä 20 cemaat bar dip xisaplana. Alarnıñ qayberläre köç qullanunı , başqaları tınıç yullar belän sistemanı üzgärtüne yaqlıylar.
Färit İdelle, Praga.
Atışular-audio
Radiobızn Rus redaksiäseneñ Tönyaq Osetiäneñ Vladikafkaz şähärendäge xäbärçese Nalçiktağı kolegalarınan şundıy mäğlümät alğanın belderde.
Kollegalarımnıñ belderüenä qarağanda, atışular Nalçiknıñ bistäsendä tönne başlanğan. Beräv militsiägä şaltratıp Aq yilgada 10 çaması qorallı keşe kürgänen äytkän. Tikşerü öçen cibärelgän militsionerlarğa höcüm itelgän. Bügen irtän isä atışular Nalçiknıñ törle öleşlärenä cäyelgän. Federal Eçke Eşlär ministelegeneñ cirle başkvartirına, iminlek ministerleklärenä , militsiä noqtalarına höcümnär bulğan.''
Ä inde Rusiä Eçke Eşlär Ministereneñ urınbasarı Aleksander Çekalin bügenge vaqiğälärne Putingä başqaçaraq añlattı.
"İke kön elek iminlek köçläre 500 kilogram şartlagıç bulğan urın faş ittelär. Bu inde militantlarnıñ citdi höcümgä äzerlänülären kürsätte. Bez bu şartlatqıçlarnıñ kemneke buluın bilgelärgä tırıştıq. Kiçä tönne Nalçik yaqnındağı yal urnı Aq Yılğada 10 keçelek törkem faş itelde. Alar qatı qarşılıq kürsättelär. Öçese üterelde, qalğannarı qamap alındı. Ul törkem bügen tulısınça yuq itelde."
Çekalin şulay uq Rusiä prezidentı Putin iminlek köçlärenä qarşılıq kürsätkän här kemne atıp üterergä kürsätmä birde dip tä belderde.Rusiä mäğlümät çaraları iminlek räsmiläreneñ belderülärenä tayanıp, koordinatsiälängän höcümnärdä dä 150 belän 300 arasında militant qatnaşqan dip xäbär itälär. Alarnıñ nindi millättän buluları bilgesez. Uzğan ayda prezident Valeri Kokovnıñ urnın alğan Arsen Kanokov İtar-Tassqa 50 militant häm 12 sivil hälak buldı, 50 keşe yaralandı dip belderde. Başqa mäğlümät birmäde. Bu sannarnıñ döreslegen dä, militantlarıñ sanın da raslau mömkinlege yuq. AP Sälämätlekne Saqlau Ministerlege süzçesenä tayanıp, 13 keşe hälak bulğan, 75 keşe yaralanğan dip xäbär itte. Radiobıznıñ Tönyaq Kafkaz Redaksiäseneñ xäbärçese Nalçiktan bolarnı belderde.
"Min Lenin uramı belän Kuliyev uramı kiseşkän poçmaqta . Monda miltantnıñ mäyete bulğan maşina tora. Uramnıñ ikençe yağında başqa ber mäyet yata. Keşelär ul da militant dip äytälär. Yıraqtaraq soldatlar yartı şärä ir-atnı östäräp alıp kitälär. Keşelär ul da militant dip äytälär."
İminlek köçläre şähär üzägen uratıp alğannar. Vladikafkazdağı xäbärçebez militsiä köçläre Nalçikqa yul tota dip belderde.
"Kabarda-Balqarnıñ kürşeläre , şul sanda Tönyaq Osetiä belän çikläre yabılğan. Tönyaq Osetiädän eçke eşlär häm başqa iminlek köçläre Kabarda-Balqarğa cibärelgän."
Kabarda-Balqarda häm Tönyaq Kafkazdağı başqa respubikalarda soñğı aylarda kierenkelek üste, yış qına törle höcünär bulğalıy.Uzğan yılnıñ iyün ayında İnguşetiädä dä, Nalçiktağına oxşaş höcümnär bulğan ide. Ä inde uzğan yılnıñ dikäberendä Kabarda-Balqarnıñ narkokontrol idaräsenä höcüm bulğan ide. Ul vaqıtta idaräneñ dürt militisonerı üterelgän häm küpläp qoral urlanğan ide. Respublikanıñ Yuğarı Mäxkämäsendä monıñ belän qatnaşı buluda şiklänelgän biş keşeneñ eşe buyınça tıñlaular bara. Alanıñ ikese narkokontrol idaräseneñ elekke xezmätkärläre. Dikäberdäge höcüm öçen Basayev belän elemtäse bar dip belderelgän Yarmuk Cemaat üz östenä alğan ide. Kabarda-Balqarda iñ kimendä 20 cemaat bar dip xisaplana. Alarnıñ qayberläre köç qullanunı , başqaları tınıç yullar belän sistemanı üzgärtüne yaqlıylar.
Färit İdelle, Praga.