Paqstan 8-nçe üktäberdä ilneñ tönyağında tawlarda bulğan köçle cir teträw qorbannarı sanı elek iğlan itelgännän 6 meñgä kübräk dip belderde.
Federal' qotqaru eşlären citäkläwçe general-mayor Färuq Äxmät Xan 48 meñgä yaqın keşe ülde häm 67 meñ yaralandı dide.
Xan Rixter ülçäme belän 6.7 däräcädäge cir teträw näticäsendä imgännärgä yardäm itü öçen ayaq-qul protezları häm küçmä rentgen maşinaları soradı.
İkegä bülengän Kaşmirnıñ Hindstan yağında yäşäwçelär bügen soñğı 15 yılda berençe märtäbä Paqstan yağına telefon aşa şıltırata aldı.
Berençe bulıp Kaşmir başqalası Srinagarda yäşäwçe ber ğailä Kaşmirnıñ Paqstan yağındağı tuğannarı belän elemtägä kerü öçen şaltırattı.
