Pänceşämbe könne “Piramida” mädäni – küñel açu kompleksında Rusiädä hänäri berläşmälär xäräkätenä – 100 yıl, Tatarstan Respublikasında hänäri berläşmälärneñ 85 yıllığına bağışlanğan tantanalı çara uzdı. Bügenge köndä Tatarstandağı hönäri berläşmälär 1 million keşene berläşterä. Läkin bu million keşeneñ härqaysı fäqirlek, eşsezlek qarşında üzenä yaqlaw taba dip äytep bulmıy. Zamanında Sovet profsoyuzı dip atalğan hönär berlege xäzer xaqmiät röxsäte belän ütkärelä torğan qarşılılıq aksiälärendä qatnaşıp, üzeneñ dönyada barlığın belderergä tırışa. Tatarstan profsoyuzları citäkçese Vodop'yanova parlament saylawlarında berdäm Rusiä firqäseneñ räsmi isemlegendä 3 urında agitatsiä simvolı torsa da, piketlarda räsmi xakimiätne kisken tänqitli. Tatarstan hänäri berläşmäläreneñ bäyräme Piramida üzägendä ütüe profsoyuzlarnıñ xäzerge idarä sisteması öçen kiräkle ber ciñsä buluın kürsätä. Elek yal yortına yullamalar, fatirlarğa orderlar birüçe bu oyışma xäzer bäyräm häm miniglarda küzgä çalına. Gölnaz Şähxetdinova
