Rusiäneñ Tula ölkäsendäge Yandovka awılında qoş-qortlarnı häm kiek qoşlarnı üterü operatsiäse bara. Awıl xucalığı ministrlığı biredä H5N1 törendäge qoş kizüe tabıluı turındağı xäbärne rasladı. Bu awıru Aziädä inde 60-tan artıq keşene üterde. Moñarçı bu awıru Ural häm Seber yaqlarında tabılsa da Yandovka oçrağı Rusiäneñ Yewropa öleşendäge berençe oçraq.
Qoş kizüe inde Törkiä belän Romaniädä dä bar. Häm xäzer Gretsiädä dä şikle oçraşqlar terkälüe turında xäbär itelä.
Dönya Sälamätlek Oyışması kiçä Qıtayda soñğı 2 aydan artıq waqıt eçendä bu awırunıñ berençe märtäbä yaña oçrağı terkälügä borçılu belderde.
Bügen Tailand qoş kizüennän 13-nçe keşe ülde dip xäbär itte.
