Accessibility links

Кайнар хәбәр

Azärbaican: prezident häm opozitsiäneñ adımnarı nindi bulaçaq?


Azärbaicanda sonğı könnärdä eksildäge opozitsiä citäkçese Rasul Quliev belän xökümätkä qarşı süz berläşterüdä şiklänelgän eleke öç ministır qulğa alındı.Atnakiçtä başqa ber ministr häm yuğarı däräcädäge räsmi bilgesez säbäptän urınnarınnan quıldı. 6 noyäberda ütäçäk parlament saylawlarına 2 atna ğına waqıt qalıp barğanda Kaspi dingeze yarlarındağı ildä kierenkelek arta bara. Prezident İlham Aliev sonğı säyäsi täräqiät turında fiker beyan itmäde.İlham Aliev häm opozitsiä citäkçeläre nindi adım atlayaçaq? Bu turıda säyäsi belgeçlär närsä äytä?

Azärbaican xoquq saqlau oyışmaları atnakiçtä eleke iqtisad ministrı Farxad Aliyev, eleke finans ministrı Fikrät Yusifov häm eleke tışqı säwdä ministrı qatnaşqan puç omtılışın tuqtattıq dip däğwä itteö.Prokuror ofisı häm eçke eşlär ministrılığı dürtençe keşe Farhad Aliev tuğanı Rafiqnıñ dä bu süzberläşterügä qatnaşı bar dip äytte. İlneñ in zur neft eşkärtü qorılması Azpetrol xucası Rafik Aliev ike atnadan birle törmädä,başqalarınıñ yazmışı bilgesez.Tikşerüçelär belderüenä kürä, äytep kitkän 4 keşe ekzildäge Demokratik Partiä citäkçese Rasul Qulievnıñ qaytuı belän Baku hava mäydanıñ üz qullarına almaqçı bulğan.Quliev bu ğäyepläwlärne uydırma dip bäyäläde.Atnakiçtä prezident Aliev sälämätlek saqlau ministrı Ali İnsanovnı häm administratsiädä yuğarı pos biläwçe Akif Muradverdieyne quğan.Yeni Azerbaican partiäsen oyıştırğan İnsanov yuğarıda äytelgän puç omtılışına qatnaşqan ikän.Muradverdiev nigä quıldı anısı bilgesez. Muradverdiev älege prezidentnıñ atası Xäyderneñ yaqın dustı ide. Londonda urnaşqan Suğış häm Solıx öçen Xabär İnstitutınıñ Baku burosı başlığı Şahin Rzayev:

Hämmäbez kötäbez.Aliev nişlär digän faraz belderü mömkin tügel .Sonğı berniçä köndä bulğan eşlärne beräw dä aldan äytä almas ide.Moña oşaş xäl saylawlardan soñ bulır dip uylanıldı.Prezident bu quularnı aqlap añlatırğa tieş.Närsä bulaçaq? Xoquq saqlaw oyışmalarınıñ biräçäk mäğlümättän bäyle.Niçek kenä bulmasın täxmin, faraz belderü bik qıyın

Turan xabärlär agentlığınıñ säyäsi analitiğı Xasan Quliev Prezident kürgän çaralarnı açıqlau bik awır di.Quliev:

Küp kenä keşelär prezident kisäk qabınuçan xisle keşe ul kötelmägän qararlar birä ala dip uylıy.Sonğı könnärdä Bakuda bulğan xällär bu qaraşlarnı raslıy, çönki sonğı täräqiätne mantıq belän añlatu mömkin tügel.Xakimiätlär bu eşlärne nindider logika belän añlatırğa tırışaçaq.

Azärbäican mätbuğatında qayberäwlär sonğı qulğa alularnı, tik säyäsi säbäplär belän genä tügel ä iqtisadnı kontrol öçen xakimiättäge elitada barğan köräş belän añlata .Şaxin Rzayev:

Milekne büleşü bara. Azärbaican keçkenä il häm barlıq material resurslar bülşelede inde. Ämma qayber ölkälärdä büleşü äle dä bara.Misal öçen Rafik Alievneñ Azpetrole zur parça,keşelär anıñ öçen köräş.Ni qızğanç ki Rusiädäge kebek bezdä dä yaña köräş bara.

Resul Quliev nindi rol uynıy ala yäki bu intrigalarda xökümät anı niçek taswirlayaçaq –bilgele tügel. Ber waqıtnı Xäydär Alievnıñ berektäşe ,eleke parlament spiekere Resul Quliev 1996 yıldan birle AQŞta yäşi.Aña aqça urlağan digän ğäyepläwlär quyılsa da, ul moñı kire qağa.August ayında Quliev kiläse ayda bulaçaq parlament saylawları öçen terkäde.Ämma prokuror ofisı anıñ qağılmaslığı köçtän çığarılaçaq häm Azärbaicanğa kerü belän qulğa alınaçaq dip belderde. Quliew düşämbedä Londonnan Bakuğa kilgändä Qırımdağı tuqtalış waqıtında qulğa alına. Aqmecid mäxkämäse anıñ Azärbaicanğa tapşırıluı öçen säbäp yuq dip irekkä çığara.Bakudağı komentatorlar Qulievneñ kire qaytuı öçen säbäp yuq , bälkim ul üze Aqmeçidtä qulğa alınuın oyıştırdı digän fikerlär beyan itä.Şaxin Rzayev ta Qulievneñ saylawlarğa qatnaşu telägenä ışanmıy ,anıñ tarafdarların aldauı berençe märtäbä bulğan xäl tügel, anıñ qaytu öçen qıyulığı citmi di. Ämma Quliev atnakiçtä Aqmeçidtä jurnalistlarğa Min Bakuğa qaytaçaqmım, ämma başta bu atnada Yevropa Parlamnetı häm Yevropa Şurasında qayber oçraşular ütkäräçägen belderde. Bakudağı häm Aqmeçidttäge qulğa alular artında närsä yata kiläse könnärdä açıqlanır. Opozitsiä nindi adımnar atlayaçaq, ğzur cıyınnar bulsa, xökümät kisken çarlar küräçäk xökümät kisken çaralar kürer dip söyli Turan agentlığınıñ analitiğı Xasan Quliev färidä xämit
XS
SM
MD
LG