Başqortstan yağulıq-energetika tarmağı tiräsendä barğan arbitraj mäxkämäse eşläre tämamlandı kebek. Anıñ näticälären Başqortstandağı oppozitsiä citäkçeläre dä, bäysez säyäsätçelär dä «Mortaza Räximov belän anıñ ulı arasında barğan spektäkl tämam» dip bäyälärgä dä ölgerde inde. Mäğlüm buluınça, bu yıl başınnan respublika citäkçelege Başqortstan yağulıq-energetiqä tarmağına qarağan häm prezidentnıñ ulı Ural Räximov qulında bulğan şirkätlärne yañadan däwlät qaramağına qaytaru eşen başlağan ide. Respublika Däwlät milke ministrlığı Ural Räximov qaramağına küçkän şirkätlärne yañadan ğomum mölkätkä äyländerüne taläp itep, Arbitraj mäxkämägä möräcägät itte. Mäxkämä utırışları bulıp, xätta «Başneft» belän «Başkirenerğo» şirkätläre aqsiälären däwlät qaramağına küçerü turında qarar da çığarıldı. Ämma 8 iyün könne iskitmäle yaña ber xäbär taratıldı. İmeş, Mortaza Räximov üzeneñ ulı Ural belän oçraşıp söyläşkän dä, alar mirowoy kileşügä ireşkän ikän.
Närsäne añlata soñ bu? Baqsañ, Ural Räximov elek tülämägän 12 milliard sum salım aqçaların däwlät qaramağına küçerü turında qarar itkäç, respublikanıñ Milek mönäsäbätläre ministrlığı Ural Räximov qulındağı «Başkirskiy qäpitäl» şirkätenä qarata däğwaların kire alğan ikän. Ämma, Başqortstan prokuraturası eşneñ mondıy borılış aluı belän kileşmiçä, bu eşne qarawnı Arbitraj mäxkämägä birde.
Berniçä ay buyına barğan tikşerüneñ näticäse atnaqiç könne mäğlüm da buldı. Yıqäterinburg şähärendäge Ural oqruğı Arbitraj mäxkämäse “Başkirskiy qäpitäl” şirkätenä qarağan eşne yomğaqlap, Ural Räximov qulındağı aqsiälärne anıñ qulında qaldıru xaqında qarar çığardı. Comğa könne jurnalistlar belän ütkärgän oçraşuında Başqortstan Respublikaı prokurorı Aleksandr Konovalov bu qararğa yañadan däğwa belderelmäyäçäge xaqında belderde. Şulay itep, berniçä ayğa suzılğan mäxkämä eşlärendä prezidentnıñ ulı Ural Räximov tağın östen çıqtı häm üz qaramağındağı neft eşkärtü şirkätläreneñ mölkäten saqlap qaldı. Küpçelek bäysez säyäsätçelär monıñ şulay bulaçağın aldan uq farazlağan ide. Başqortstan prokuraturasınıñ Ural Räximovnıñ “Başkirskiy qäpitäl” şirkätläre östennän Arbitraj mäxkämägä möräcägät itüe dä ber uyın, küz buyaw ğına buldı dip bäyäläwçelär bar. Niçek kenä bulsa da baylıq anıñ elekke xucası qulında qaldı häm moña yañadan däğwa belderüçelär çınlap ta bulmas kebek.
Berniçä ay buyına barğan tikşerüneñ näticäse atnaqiç könne mäğlüm da buldı. Yıqäterinburg şähärendäge Ural oqruğı Arbitraj mäxkämäse “Başkirskiy qäpitäl” şirkätenä qarağan eşne yomğaqlap, Ural Räximov qulındağı aqsiälärne anıñ qulında qaldıru xaqında qarar çığardı. Comğa könne jurnalistlar belän ütkärgän oçraşuında Başqortstan Respublikaı prokurorı Aleksandr Konovalov bu qararğa yañadan däğwa belderelmäyäçäge xaqında belderde. Şulay itep, berniçä ayğa suzılğan mäxkämä eşlärendä prezidentnıñ ulı Ural Räximov tağın östen çıqtı häm üz qaramağındağı neft eşkärtü şirkätläreneñ mölkäten saqlap qaldı. Küpçelek bäysez säyäsätçelär monıñ şulay bulaçağın aldan uq farazlağan ide. Başqortstan prokuraturasınıñ Ural Räximovnıñ “Başkirskiy qäpitäl” şirkätläre östennän Arbitraj mäxkämägä möräcägät itüe dä ber uyın, küz buyaw ğına buldı dip bäyäläwçelär bar. Niçek kenä bulsa da baylıq anıñ elekke xucası qulında qaldı häm moña yañadan däğwa belderüçelär çınlap ta bulmas kebek.
