İran prezidentı Mahmud Ahmadinejad bügen Tähran universitetında uzğan "Sionizmsız dönya" isemle cıyında, İzrailne "haritadan sızıp taşlarğa" çaqırdı, häm İzrail belän nindi dä bulsa mönäsäbätlär qoruğa qarşılıq belderde. İzrail tışqı eşlär ministrı Silvan Şalom, İran – İzrail öçen qurqınıç tudıra, dip belderde. Jerusalimda säfärdä bulğan Rusiä tışqı eşlär ministrı Sergei Lavrov belän bulğan matbuğat oçraşuı waqıtında, Şalom, İrannıñ atom qoralı yasarğa tırışuı kön kebek açıq, dide. Parijda, Fransiä tışqı eşlär ministrlığınıñ matbuğat wäkile Jean-Baptiste Mattei İran prezidentınıñ bu çığışın kisken täñqitläp çıqtı.
