Accessibility links

Кайнар хәбәр

İslam Cihadı yulbaşçısı qulğa alındı


Jeninda İslam Cihadı oyışmasınıñ yulbaşçısı Abdel Xalim İzzadin qulğa alındı. Kiçäge intixar höcümennän soñ İzrail Gazağa hawa höcüme yasadı. Könbatış Yarğa distälägän İzrail xärbie kerde, Jeninda atışlar buldı, Kiçä Hadera şähärendä şartlaw oyıştırğan 20 yäşlek intixarçınıñ ätise qulğa alındı. İzrail premyer-ministrı Ariel Şaron, fälestin xakimiäte fälestin suğışçılarına qarşı çaralar kürä başlağançı, İzrailneñ köç qullanmıy başqa çarası yuq, dip belderde: "Bez terrorğa qarşı zur külämle çaralar kürergä kileştek. Bez ber nindi şartlarda da terrornı qabul itä almıybız. Şuña kürä bezneñ çaralar kiñ külämle bulaçaq, häm terror betkänçe – tuqtamayaçaq." dide Şaron. İran prezidentınıñ kiçä İzrailne haritadan sörtep taşlarğa çaqıruınnan soñ, İzrail bügen tağın ber tapqır, İslam Cömhüriäte Berläşkän Millätlär Oyışmasınnan quılırğa tieş, dip belderde. Tışqı eşlär ministrı Silvan Şalom, BMO tarixında berençe tapqır ber äğza ikençesenä yuq itü belän yanadı, dide.
XS
SM
MD
LG