Accessibility links

Strasburg mäxkämäse Garry Kasparov şikäyäten tikşeräçäk


Tanılğan şaxmatçı Garry Kasparov Rusiägä qarşı şikäyäten Yevropanıñ keşe xoquqları mäxkämäsenä tapşırdı. Şikäyät Rusiäneñ kommunistlar partiäse, liberal oppozisiädäge Yabloko häm 6 ayırım keşe tarafınnan äzerlängän, häm 2003nçe yılda uzğan parlament saylawlarına qağıla. Şikäyätne belderüçelär, xakimiättäge Berdäm Rusiä firqase mäğlümat çaralarına basım yasadı, dip, saylaw näticälären ğämäldän çığarunı taläp itä. Rusiä mäxkämäse bu möräcäğätne bıyıl kire qaqtı. Kasparov fikerençä, Rusiä mäxkämäseneñ bu şikäyätne tikşermäskä – säyäsi säbäbe bar, Mäsläw saylaw häm fiker belderü irege xoquqların bozğan. Strasburgtağı mäxkämäneñ matbuğat wäkile Stephanie Klein, mäxkämä şikäyätne tikşeräçäk, dip xäbär itte.
XS
SM
MD
LG