Düşämbe irtäsendä Qazannıñ Gvardiä uramında şartlaw tawışları işetelde. Gaz şartlawı näticäsendä un qatlı yortnıñ sigezençe häm unınçı qatları arasında cimerelü barlıqqa kilde. Bäxetkä, bu yortta xalıq älegä urnaştırılmağan bulmağan, läkin cimereklär astında ber keşeneñ qaldıqları tabılğan. Gaz şartlawı näticäsendä yort yanında torğan 30 maşina zıyan kürgän. Respublikanıñ Eçke eşlär ministrlığı älege şartlawnıñ terrorlıq aqtı bulmawın belderä.
Kön yañalıqları belän tanıştırunı däwam itäbez. Düşämbedä Tatarstan prezidentı M.Şäymiev respublikanıñ Älmät häm Bögelmä şähärlärendä buldı. Anda prezident munitsipal' rayonnarnıñ berençe oyıştıru sessiälärendä qatnaştı, Bögelmäneñ yaña timer yulı vokzalın açtı.
31oktäber mädäni çaralarğa bik bay bulıp çıqtı. Düşämbe kiçendä Ğäliäskär Qamal teatrında Tatarstannıñ atqazanğan artistkası Nailä İbrahimovanıñ 60 yäşlek yubiley, Kärim Tinçurin teatrında Zöhrä Säxäbiewanıñ “Allağa tayan” dip atalğan konsertı, ä Salix Säydäş isemendäge Zur konsertlar zalında atqazanğan kompozitor häm dirijer Röstäm Zaripovnıñ yubiley konsertı buldı.
Al'bina Zäynulla
