Accessibility links

Qazaxstanda oppozitsion gazetnıñ soñğı tirajı tulısınça qulğa alındı


Bu soñğı ayda xakimiätlärneñ inde 2-nçe şundıy ğämäle. Almata prokuratura idaräse çığarğan belderüdä Juma Times gazetı Qazax prezidentı Nursoltan Nazarbayevnıñ däräcäsenä tap töşerüçe maxsus yalğan mäğlümät bastırğan öçen qulğa alındı dielä. Prokuratura idaräse bu mäğlümät 4-nçe dikäberdä ütäçäk prezident saylawları näticäsenä tä'sir itü maqsatı belän bastırılğan di. Şulay uq gazetnıñ citäkçesenä qarşı prokuratura eş açtı dielä. Uzğan ayda oppozitsion Svoboda Slova gazetı Nazarbayevnıñ keçe qızı Aliä Nazarbayevanıñ käsep eşläre turında yazıp çıqqannan soñ ul gazetnıñ distälärçä meñ danäse qulğa alınğan ide. Qulğa alunıñ säbäbe Svoboda Slovanıñ Nazarbayevqa tap töşerüe dielde.
XS
SM
MD
LG