Accessibility links

Кайнар хәбәр

Azärbäycan prezidentı ministrlarnı kisätep quydı


Azärbäycan presidentı İlham Aliev bügen xökümät äğzaların oppozitsiä belän süz berläştermäskä dip kisätte. 6-nçı noyäberdä Azärbäycanda parlament saylawları ütäçäk. Aliev 2 atna elek faş itelgän fetnä omtılışı häm şul fetnädä qatnaşuda şiklänelgän qayber elekke xökümät äğzaları häm yuğarı räsmilär, ägär alarğa mömkinlek birelgän bulsa, Azärbäycannı watandaşlar suğışına häm anarxiägä kitergän bulır ide dide. Aliev Azärbäycanğa zur qurqınıç yanadı ämma ul anı täwäkkäl, qıyu räweştä häm qanun qısalarında ciñep çıqtı dide. Aliev ministrlarğa bu barığız öçen dä sabaq bulsın dide. Ul oppozitsiä citäkçese Räsül Gulievnı xalıqara mafiä citäkçese dip atadı häm fetnä äzerläwdä şiklänelüçelärne anıñ belän süz berläşterüdä ğäyepläde. Bügen Baqıda xakimiättäge Yaña Azärbäycan partiäseneñ 10 meñläp tarafdarı mitingka cıyıldı. Küpläp İlham Alievnıñ häm anıñ atası, elekke prezident Häydärneñ sürätlären kütärgän ide dip xäbär itelä.
XS
SM
MD
LG