Fransiä başqalası tiräsendäge bistälärdä 8 kön elek başlanğan çualışlar uzğan töndä dä däwam itte.
Çualışlar inde başqa şähärlärgä küçä başladı. Dijon häm Marsey şähärlärendä dä maşinalar yandırılğan. Tönyaqtağı Normandy töbägendä häm inde Parijnıñ üzendä dä köç qullanıluı turında xäbär itelä.
Räsmilär äytüençä, barlığı 600-dän artıq maşina, berniçä kibet yandırılğan, Parijnıñ üzendä genä dä 78 keşe qulğa alınğan.
Xäbärlärgä qarağanda politsiägä ut açılğan, ämma yaralanuçı yuq. Politsiä belän küpçelegen afrikadan çığuçılar täşkil itkän ğisyançı yäşlär arasında berniçä bäreleş buluı turında xäbär itelä.
Pänceşämbe könne premyer ministr Dominique de Villepin tärtip urnaştırırğa wäğdä itkännän soñ ul bisätlärgä 1300-läp politsiä xezmätkäre kiterelde.
Ğisyan uzğan atnada ike üsmerneñ politsiädän qaçıp barğanda qazağa elägen ülüe turında xäbärdän soñ başlandı.
