Argentinanıñ Mar del Plata şähärendä ütüçe Amerika illäre citäkçeläre, barlığı 30-dan artıq ilneñ citäkçese oçraşuında Bush ta qatnaşa. Bush administratsiäsen kisken tänqitläwçe, Venetsuela prezidentı Hugo Chavez ul sammitta da, protest belderüçelärneñ qarşılıq sammitında da çığış yasar dip kötelä. Protest belderüçelär Amerika İrekle Säwdä zonası buldırunıñ totqarlanuına qarşı çığa
Argentina prezidentı Nestor Kirchner belän urtaq matbuğat oçraşuında Bush aña "Min bu cıyınnı qabul itkän öçen sezgä räxmät belderergä telim. Barlıq bu illärne qabul itü ciñel tügel, bigräk tä bälkem mine qabul itü ciñel tügel. Ämma sezgä qabul itkän öçen räxmät. Sez yaxşı eşlisez" dide.
Amerika illäre sammitında säwdä häm möhäcirlek mäs'äläläre, şulay uq fäqirlek turında süz barır dip kötelä.
