Çualışlar Parij yanında möhacirlär küpläp yäşägän bistälärdä başlanıp Fransiäneñ başqa zur şähärlärenä cäyelde. Azatlıq radiosınıñ Parijdağı xäbärçese Mirali Hosseini, xäzer baş kütärüçelär taktikanı da üzgärtte, dip söyläde:
"Wazğiät naçarlana ğına, 9 tön däwam itkän çualışlarnıñ oçı-qırıyı kürenmi. Maşinalarnı yandıru, mäktäplär häm xökümät binaların, kibetlärne cimerü – Fransiäneñ könbatışı, könyağı häm könçığışına cäyelde. Yañalıq şul – baş kütärüçelär metodların üzgärtä. Berençe könnärdä alar kübräk polisiägä höcüm itkän bulsa, xäzer alar polisiä belän oçraşmasqa tırışa, kübräk provokasiä belän şöğellänä."
Xäterläsägez, xörmätle tıñlawçılar, çualışlarğa 9 kön elek 2 yäş keşeneñ polisiädän qaçqanda ülüe säbäp bulğan ide. Küplär bu tärtipsezleklärne, Tönyaq Afrikalı häm qara tänle keşelärneñ rasaçılıq, eşsezlek häm sotsial awırlıqlarğa protest bularaq kürä. Başqalar isä çualışlarda cinäyätçel törkemnär, narkotik satuçılar ğäyeple, dip sanıy. Polisiä hönär berlegeneñ wäkile Marc Gautron da şul uq fikerdä:
"Bolar barısı da, polisiä, bu bistälärgä kilep zur tabış kitergän äfyün satu eşenä noqta quymasın öçen eşlänä. Yäşlärneñ berseneñ eş tabası kilsä dä , cibäyätçel törkemneñ başlığı – närsägä siña eş, bezneñ belän kübräk aqça eşli alasıñ bit, dip anı bistädä bulğan xällär turında üzlärenä söyläp torırğa mäcbür itä," dide polisiäneñ hönär berlege wäkile.
Xäbärçebez Hosseini, ğadi xalıq, baş kütärüçelär dä, räsmilär dä ğäyeple dip sanıy, dide.
"Ğadi keşelär yäşlärne dä, räsmilärne dä ğäyepli. Baş kütärüçelär – äle iñ küp cafa çikkännär tügel, di alar. Kübeseneñ ğailäsendä eşsez utırğan yäşlär bar, ämma alar çığıp maşinalarnı yandırmıy, polisiä belän suğışmıy. Ämma alar xökümättän kübräk iğtibar sorıy," dide Azatlıqnıñ Parijdağı xäbärçese.
Bügen Parij çitendäge bistälärneñ bersendä tärtipsezleklärne tuqtatırğa çaqırğan tınıç uram cıyınnarı da uzdı. Anda qatnaşuçılarnıñ berse, Ahmed Buzini, çualışlar tuydırdı inde, dide:
"Bu könnärdä bulğan xällärdän ardıq inde, yanğınnar, töten, urlanğan maşinalar, inde küp buldı. Moña inde noqta quyarğa kiräk."
Premyer-ministr Dominique de Villepin bügen 8 ministrnı cıyıp nizaqqa säyäsi çişeleş ezli. Böten bu çaralar tärtipsezleklärne tuqtatırmı yuqmı – bu barı tik kiläse töndä bilgele bulaçaq, çönki yäşlär uramğa tönnä genä çığa.
alsu qormaş
"Wazğiät naçarlana ğına, 9 tön däwam itkän çualışlarnıñ oçı-qırıyı kürenmi. Maşinalarnı yandıru, mäktäplär häm xökümät binaların, kibetlärne cimerü – Fransiäneñ könbatışı, könyağı häm könçığışına cäyelde. Yañalıq şul – baş kütärüçelär metodların üzgärtä. Berençe könnärdä alar kübräk polisiägä höcüm itkän bulsa, xäzer alar polisiä belän oçraşmasqa tırışa, kübräk provokasiä belän şöğellänä."
Xäterläsägez, xörmätle tıñlawçılar, çualışlarğa 9 kön elek 2 yäş keşeneñ polisiädän qaçqanda ülüe säbäp bulğan ide. Küplär bu tärtipsezleklärne, Tönyaq Afrikalı häm qara tänle keşelärneñ rasaçılıq, eşsezlek häm sotsial awırlıqlarğa protest bularaq kürä. Başqalar isä çualışlarda cinäyätçel törkemnär, narkotik satuçılar ğäyeple, dip sanıy. Polisiä hönär berlegeneñ wäkile Marc Gautron da şul uq fikerdä:
"Bolar barısı da, polisiä, bu bistälärgä kilep zur tabış kitergän äfyün satu eşenä noqta quymasın öçen eşlänä. Yäşlärneñ berseneñ eş tabası kilsä dä , cibäyätçel törkemneñ başlığı – närsägä siña eş, bezneñ belän kübräk aqça eşli alasıñ bit, dip anı bistädä bulğan xällär turında üzlärenä söyläp torırğa mäcbür itä," dide polisiäneñ hönär berlege wäkile.
Xäbärçebez Hosseini, ğadi xalıq, baş kütärüçelär dä, räsmilär dä ğäyeple dip sanıy, dide.
"Ğadi keşelär yäşlärne dä, räsmilärne dä ğäyepli. Baş kütärüçelär – äle iñ küp cafa çikkännär tügel, di alar. Kübeseneñ ğailäsendä eşsez utırğan yäşlär bar, ämma alar çığıp maşinalarnı yandırmıy, polisiä belän suğışmıy. Ämma alar xökümättän kübräk iğtibar sorıy," dide Azatlıqnıñ Parijdağı xäbärçese.
Bügen Parij çitendäge bistälärneñ bersendä tärtipsezleklärne tuqtatırğa çaqırğan tınıç uram cıyınnarı da uzdı. Anda qatnaşuçılarnıñ berse, Ahmed Buzini, çualışlar tuydırdı inde, dide:
"Bu könnärdä bulğan xällärdän ardıq inde, yanğınnar, töten, urlanğan maşinalar, inde küp buldı. Moña inde noqta quyarğa kiräk."
Premyer-ministr Dominique de Villepin bügen 8 ministrnı cıyıp nizaqqa säyäsi çişeleş ezli. Böten bu çaralar tärtipsezleklärne tuqtatırmı yuqmı – bu barı tik kiläse töndä bilgele bulaçaq, çönki yäşlär uramğa tönnä genä çığa.
alsu qormaş