Programabız äzerlängändä, Azerbaycandağı parlament saylaularınıñ qätği näticäläre äle iğlan itelmägän ide. Läkin, prezident İlham Alievneñ Yaña Azerbaycan Partiäseneñ ciñep çıqqanı inde mäğlum. Yzäk Saylau Komissiäse süzçese İqbal Babayev bügen bu xaqta bolay dip belderde.
"Alınğan mäğlümätlärgä tayanıp bez berençe näticälärne iğlan itä alabız. Xakimiättäge partiä alda bara, ikençe urında bäysez kandidatlar."
Tauışlarnıñ 85 protsentı sanalğan häm prezident Aliev partiäse 125 urınnıñ 62-sen alğan. Saylaularda, anda qatnaşu xoquqına iä saylauçılarnıñ 50 protsentınnan kimeräge genä qatnaşqan bulsa da, ul ütte dip xisaplana, çönki saylau qanunına kürä, qatnaşuçılarnıñ protsentı rol uynamıy. Oppozitsiä xärämläşülär buldı dip anıñ näticälären kire qaqtı. Saylau noqtaları yabılğaç uq Azatlıq oppozitsiä koalitsiäsendäge Azerbaycan Xalıq Frontı räise Kerimlı , saylaular Azerbaycan Xalqınıñ telägen çağıldırmıy dip belderde. Ul şulay uq Azatlıq oppozitsiäse konstitutsion çaralar belän saylauçılarnıñ xoquqları öçen köräşäçäk dip belderde.
"Qanundağı barlıq konstitusion çaralardan faydalanıp saylauçılarnıñ xoquqların yaqlıyaçaqbız. Bezneñ protestlar tınıç bulaçaq. Bez xakimiätlärgä xalıqqa qarşı köç qullanu öçen sıltau birmiäçäkbez"
Oppozitsiädäge koalitsiä Xalıq Frontı, Musavat häm Azerbaycannıñ Demokratik Partiäsennän tora. Musavat partiäse citäkçese İsa Gambar kiçä bolay dip belderde.
"Qızğanıç ki, farazlağanıbızşa, saylaular tulısınça falsifikatsiälände. Bügen tünne häm irtägä bez näticälärne tikşerep , taktik häm şiğarlarıbıznı bilgeliäçäkbez. "
Saylaularğa küzätüçelär nindi bäyä birdelär? BDB küzätüçelär missiäseneñ başlığı, oyışmanñ general sekretarı Vladimer Ruşaylo bügen Baqıda press-konferensiädä citeşsezleklär küp tügel ide häm alar saylaularnıñ näticäsenä täsir itmäde dip belderde.
Läkin, Yevropada İminlek häm Xezmättäşlek Oyışması başqa näticägä kilgän. Anıñ belderüendä, saylaulardan alda qayber ölkälärdä uñay täräqqiät bulsa da, saylauçılarnı terkäv, cilış ütkärü ireklegendä citeşleklär buldı. Saylau könendäge citeşsezleklär, şul sanda tauışlarnı döres sanamau häm cirle xakimiätlärneñ tıqşınuları, bezneñ Azerbaycan xalıqara standartlarnı ütämäde digän näticägä kilüebezgä säbäp buldı dielgän. Yevropada İminlek häm Xezmättäşlek Oyışmasınıñ parlamentar assambleyeneñ prezidentı Alcee Hastings bolay dide.
"Azerbaycandağı saulaularda Yevropada İminlek häm Xezmättäşlek oyışmasınıñ demokratik saylaular turındağı prinsipları häm Yevropa Şurasınıñ standartları ütälmäde."
Oppozitsiä saylaularnıñ näticäsenä protest belderü maqsäte belän Çärşämbedä demonstratsiä ütkäräçäk.
Färit İdelle, Praga.
"Alınğan mäğlümätlärgä tayanıp bez berençe näticälärne iğlan itä alabız. Xakimiättäge partiä alda bara, ikençe urında bäysez kandidatlar."
Tauışlarnıñ 85 protsentı sanalğan häm prezident Aliev partiäse 125 urınnıñ 62-sen alğan. Saylaularda, anda qatnaşu xoquqına iä saylauçılarnıñ 50 protsentınnan kimeräge genä qatnaşqan bulsa da, ul ütte dip xisaplana, çönki saylau qanunına kürä, qatnaşuçılarnıñ protsentı rol uynamıy. Oppozitsiä xärämläşülär buldı dip anıñ näticälären kire qaqtı. Saylau noqtaları yabılğaç uq Azatlıq oppozitsiä koalitsiäsendäge Azerbaycan Xalıq Frontı räise Kerimlı , saylaular Azerbaycan Xalqınıñ telägen çağıldırmıy dip belderde. Ul şulay uq Azatlıq oppozitsiäse konstitutsion çaralar belän saylauçılarnıñ xoquqları öçen köräşäçäk dip belderde.
"Qanundağı barlıq konstitusion çaralardan faydalanıp saylauçılarnıñ xoquqların yaqlıyaçaqbız. Bezneñ protestlar tınıç bulaçaq. Bez xakimiätlärgä xalıqqa qarşı köç qullanu öçen sıltau birmiäçäkbez"
Oppozitsiädäge koalitsiä Xalıq Frontı, Musavat häm Azerbaycannıñ Demokratik Partiäsennän tora. Musavat partiäse citäkçese İsa Gambar kiçä bolay dip belderde.
"Qızğanıç ki, farazlağanıbızşa, saylaular tulısınça falsifikatsiälände. Bügen tünne häm irtägä bez näticälärne tikşerep , taktik häm şiğarlarıbıznı bilgeliäçäkbez. "
Saylaularğa küzätüçelär nindi bäyä birdelär? BDB küzätüçelär missiäseneñ başlığı, oyışmanñ general sekretarı Vladimer Ruşaylo bügen Baqıda press-konferensiädä citeşsezleklär küp tügel ide häm alar saylaularnıñ näticäsenä täsir itmäde dip belderde.
Läkin, Yevropada İminlek häm Xezmättäşlek Oyışması başqa näticägä kilgän. Anıñ belderüendä, saylaulardan alda qayber ölkälärdä uñay täräqqiät bulsa da, saylauçılarnı terkäv, cilış ütkärü ireklegendä citeşleklär buldı. Saylau könendäge citeşsezleklär, şul sanda tauışlarnı döres sanamau häm cirle xakimiätlärneñ tıqşınuları, bezneñ Azerbaycan xalıqara standartlarnı ütämäde digän näticägä kilüebezgä säbäp buldı dielgän. Yevropada İminlek häm Xezmättäşlek Oyışmasınıñ parlamentar assambleyeneñ prezidentı Alcee Hastings bolay dide.
"Azerbaycandağı saulaularda Yevropada İminlek häm Xezmättäşlek oyışmasınıñ demokratik saylaular turındağı prinsipları häm Yevropa Şurasınıñ standartları ütälmäde."
Oppozitsiä saylaularnıñ näticäsenä protest belderü maqsäte belän Çärşämbedä demonstratsiä ütkäräçäk.
Färit İdelle, Praga.