Bügen Rusiä şähärlärendä kommunistlar, berençe tapqır yal köne itep bilgelänmägän 7 noyaber könenä uramnarğa çıqtı. 1917nçe yılnıñ üktäber inqilabı könen bilgelägän 7 noyaber bäyräme bıyıl 4 noyabergä, Rusiäneñ 1612nçe yılda Polşanı ciñü , xäzer Berdämlek könenä almaştırıldı. 7 noyaberne beterügä qarşı çıqqan Rusiäneñ kommunistlar firqase bıyıl uram cıyınına meñlägän keşeneñ çığaçağın beldergän ide. Ufada häm Qazanda da bügen berniçä yöz qatnaşında uram cıyınnarı uzğan. Vladivostokta uramnarğa 2 meñ yarım keşe çıqqan. Ukraina başqalası Kievta uram cıyınında 10 meñgä yaqın keşe qatnaşqan dip xäbär itelä. Xökümät binası qarşında uzğan bu çarada xalıq qullarına "Çın inqilab äle alda", "Yäşäsen Lenin" digän şiğärlär totqan bulğan.
