Fransiä xökümäteneñ ğädättäntış çaralar kürüenä qaramastan, uzğan töndä dä tärtipsezleklär däwam itte. Yözlägän maşina yandırıldı, höcümnär bulğaç Lyon şähärendä metro yabıldı. Şulay da polisiä xäbär itüençä, köç qullanu barıber kimi töşkän.
Sişämbe könne Fransiä xäkümäte kommendant säğät kertergä röxsät birgän qararın iğlan itkän ide. Parijnıñ tönyağındağı Amiens şähäre tärtip saqlawçılarınıñ yuğarı räsmie Marcel Authier, wazğiät küzgä kürenerlek rätlände, dip belderde: "Uzğan töndä ük xällärneñ yaxşıruın sizdek. Älegä näticä yasarğa bik irtä, ämma ğädättäntış xäl iğlan itü hm kommenant säğäten kertü – tınıçlıqnı qaytırırğa yärdäm itkängä oxşağan," dide Authier. Fransiädä çualışlar başlanğanğa inde ike atnağa yaqın. Berençe tärtipsezleklärgä – ike yäş keşeneñ polisiädän qaçqanda ülüe säbäp bulğan ide.
