Accessibility links

Кайнар хәбәр

Yaña Azärbaycan ciñüne bäyräm itä


Azärbaycan oppozisiäse tağın ber tapqır yäkşämbe bulğan saylaw näticälären köçtän çığarırğa çaqırdı. Bu taläp ütälmägän xäldä alar il buylap uram cıyınnarı belän kisätä. Ul arada Baqı uramnarına bügen ciñü yawlağan xökümät yaqlı Yaña Azärbaycan partiäse tarafdarları çığıp bäyräm itte. Bäysez çığanaqlar xäbär itüençä, çarada 10-15 meñ keşe qatnaşqan. Yaña Azärbaycan firqase general-sekretare Ali Axmadov, oppozisiäneñ, xärämläşüdä ğäyepläwen kire qaqtı: "Azärbaycan cämğiäte bezneñ belän bäyräm itä. Demokratiä häm cämğiätebez üseşe tarixında yaña çor başlana. Kisken köräşkä qaramastan bezneñ partiä ciñde. Bu – böyek ciñü häm bez anıñ ähämiäten añlıybız." Xalıqara basım astında Azärbaycannıñ saylaw räsmiläre ike saylaw töbägendä näticälärne ğämäldän çığarğannan soñ, xakimiättäge Yaña Azärbaycan partiäseneñ ciñüe 63%tan 60qa töşte. Räsmilärneñ qayberläre tawış birügä qatnaşuda ğäyeplänep wazifalarınnan alındı. 125 äğzalıq parlamentta 8 urınnı yawlağan Azatlıq berlege bu çaralarnı – küz buyaw, dip bäyäläde.
XS
SM
MD
LG