Accessibility links

Bağdad restoranında höcüm: 30 keşe ülde


Ğiraq başqalasında keşe tulı restoranda intixar höcüme bulıp kimendä 30 keşe häläk buldı, 20se yaralandı. Biregä aşarğa Ğiraq polisiäse yörgän bulğan. Höcüm öçen cawaplılıqnı üz östenä Al Qaidanıñ Ğiraqtağı bülekçäse aldı. Şartlaw bulğan cirdä Ğiraq xärbie Abu Ğait menä närsälär belderde: "Xalıq irtän aşap utırğanda bilbawına şartlatqıçlar taqqan ber keşe kilep kergän. Şartlawdan soñ uq bez, Ğiraq ğaskärläreneñ 305nçe brigadası xärbiläre kilep cittek. İke keşene qulğa aldıq." Tikritta maşina şartlap kimendä 6 ğiraqlı häläk bulğan. İran belän çik buyında başlarına atıp üterelgän 27 keşeneñ mäyetläre tabılğan. Britaniä tışqı eşlär ministrı Jack Straw bügen Bağdadta Ğiraq premyer-ministrı İbrahim al-Cäğfari belän oçraşa. Vatikanda bügen Ğiraq prezidentı Cäläl Talabani Rim papası Benedikt belän oçraştı. Yuğarı katolik ruxanie Ğiraq räsmilären ildä dini ireklekne saqlarğa, xristian azçılığına iğtibar birergä çaqırdı.
XS
SM
MD
LG