Accessibility links

Кайнар хәбәр

Yevropa Berlege Xisabı:älegä Yevropada möselmannar bik nıq kire qağılmıy


Londonda 7iyüldäge bombalaudan soñ Yevropa Berlege xökümätläre häm möselman maxalläläre koordinatsiälängän ğämällär alıp barğanlıqtan,insident möselmannarğa zur zarar kitermäde . Brüsseldä Berlekneñ Rasizm häm Xenofobia Üzägeneñ atnakiçtä iğlan itkän xisabında şundıy näticä yasalğan.Ämma Yevropa Parlamentınıñ azçılıq etnik törkem äğzaları, imigrant maxalläläre intergratsiä öçen tırışlıq kürsätsä häm alarnı qunaq itüçe illär moxacirlär duçar bulğan qıyınlıqlarğa kübräk añlauçanlıq kürsätsä Fransiädäge kebek konfrontatsiälär bulmıy qalır ide dip belderde

7.iyüldä Londondağı intihar höcümnäre öçen cawaplılıqnı al Qaida üz östenä alsa da , ğämälgä quyuçuları Britaniädä tuğan cirle möselmannar ide. Şuşı insidenttan soñ Britaniä yäki Yevropa Berlegendäge möselmannarğa qarata kötelgän kisken reaksiä bulmıy qaldı. Älbättä bombalaudan soñ qısqa waqıt qına möselmannarğa näfrät beldergän nindider aksiälär bulıp aldı häm äle waqıyğälär eleke yıllardan ällä ni ayırmalı tügel. Atnakiçtä Berlekneñ Venada urnaşqan anti rasistik üzäge bıyılnıñ 7 iyülendän alıp 5 üktäberenä qädär xällärne küzätep barıp üz xisabın iğlan itte. Üzäk başlığı Beate Winkler Brüsseldä Britaniä möselmannarğa qarşı köç qullanunı tuqtata aldı, çönki Britan xökümäte häm möselman maxalläläre şunduq köçle çaralarğa kereşte dip äyte. Winkler:

Xisabtağı töp kündermä: citäkçelekneñ eşçänlege häm köçle çaralar. Britan xökümäte, politsiä häm Britaniädäge möselman maxalläläre bik tiz reaksiä kürsätep, höcümnärne hökem itte häm möselman maxalläsennnän üç alu qabul itelmäslek ğämäl bulaçaq dip bik açıq anıq itep belderep quydı.

Winkler Höcümnän soñ Britaniäneñ reaksiäse kiläçäk öçen ''model'' bulıp tora dide.Yevropa Berlegendäge küpçelek xökümätlär şunduyuq nıq pozitsiä alğanlıqtan näticälär dä uñay buldı,baytaq qına möselman yäşägän berlek illäre xökümätläre möselman dine belän intihar höcümçe arasında zur ayırma buluın añlattı dip söyläde Beate Winkler. Berlek illärendäge möselman citäkçeläre üz maxallälären höcümnärdän çitläşterep , häcümnärne xökem itüe dä wazğiätkä bulışlıq itte.Ämma Winkler şulay da Yevropanıñ baytaq qına öleşendä möselmannarğa qarata ışanıçsızlıq xökem sörä, etnik häm dini azçılıqlar äle dä diskriminatsiägä duçar bula häm yäşägän illärendä tormışnıñ barlıq ölkälärenä qatnaşa almıy dip äytte.Ul Yevropa Berlege möselman maxalläläre belän eş itüne ezlekle prioritetı xälenä kiterergä tieş digän fiker beyan itte. Winkler yanında çığış yasağan Yevropa Parlamentınıñ Britan äğzası Syed Kamall

Min möselman maxalläsenä kübräk ähämiät birelergä tieş dip uylıym.Möselman maxalläse äzğası bularaq –bez dialogqa kübräk äzer bulırğa tieşbez dip äyter idem. Britaniä mäçetlärenä küz salsaq, üzem Londonnıñ törle urınnarındağı mäçetlärdä comğa namazlarında buldım, qayberlärendä inglizçä tel bularaq ta qullanılmıy. Mäçetlärdä inglizçe qullanılmağan xäldä niçek itep bez möselman bulmağan maxallälär belän dialogqa kerergä tieş, dip söyli Syed Kamall

Kamall inglizçä , urdu, Bengal yäki ğäräb telennän östenräk quyılmasqa tieş, ämma wäğäzlär ingliz telendä bulmasa , Britaniädäge yäş möselmannarğa modern könbatış cämğiäte kontekstında dini tormış alıp barunı öyrätü mömki tügel di.Ul Britaniädä inglizçä belmäwçe imamlar eşlämäskä tieş digän qaraşta. Syed Kamall Fransiädäge çualışlarğa tuqtalıp , andağı tärtipsezleklär dini motivlı tügel.Xäzer kiresençä imamlarnı mobilizatsiäläp alarnı fatwa çığarırğa häm uramğa yäşlär yanına cibärep maşinalarnı yandırunı tuqtatığız öyegezgä qaytığız, eşlägän eşläregez dingä qarşı dip äyterergä kiräk dide Yevropa Parlamentı äğzası Sayed Kamall färidä xämit
XS
SM
MD
LG