Aydar Ğalimov bıyılğı konsertların üzeneñ 15 yıllıq icatına bağışlap uzdıra. Şuña da qaramastan matbuğat oçraşuında ul programmağa 15 yıl buyına cırlap kilgän xitlar. şulay uq älege konsertnıñ nindider yubiley kiçäse räweşendä oyıştırılmawın assızıqladı.
Bıyıl da anıñ konsertları teatral'läşkän tamaşa kebek uzaçaq. Ssenariynıñ serlären Aydar Ğalimov açarğa telämäde. Bu konsertta ike yaña yäş cırçı – ber yeget häm ber qız bulaçağın ğına äytte. Alarnı ber ayı däwam itkän karting, yäğni bäyge näticäsendä saylap alğannar. Bu xaqta Aydar Ğalimov
Kastingka bik täcribäle yäşlär kilde. Ämma bez üzebez yäşlärne üsteräsebez kilä. Bu yaña cırçılar äle bälki bik yäş kürenerlär, ämma alarda ömet bar.
Konsertta Aydar Ğalimov tatar cırlarınnan tış başqort cırların da başqaraçaq ikän. Muzıykal' poppuriğa rus cırı da kergän. Aydar Ğalimov älege konsertnıñ nindider ayırım xalıq öçen genä uzdırılmawın assızıqladı. Cırlardan tış konsertta küp kenä iyüllär qaralğan. Alarnı Mäskäw xoreografı Oleg Nikolaev quyğan. Matbuğat oçraşuında Aydar Ğalimov konsertnıñ rejisser quyuçısı Rusiä xalıq artistı Rifqat İsrafilov häm ssenariy avtorı Başqortstannıñ atqazanğan artistı Mäxmüt Fatıyxovqa da räxmät äytte.
Jurnalistlar Aydar Ğalimovnıñ başqa küp başqaruçılar kebek Qazanğa küçenep kilergä cıyınu-jıyenmavı belän dä qızıqsındılar. Bu xaqta Aydar Ğalimov
Aqıl digän häm küñel digän äyberlär bar. Bilgele qaynap torğan Qazanda yäşäwe estrada cırçısı öçen äybät, ämma tuğan yaq digän töşençä dä bar.
Matbuğat oçraşuında şulay “Aqçarlaq” gäzitendä çıqqan yazmağa tuqtaldılar. Aydar Ğalimov säxnädän kitä häm deputat bulırğa cıyına ikän dip yazılğan mäqälägä Aydar Ğalimov aptırawın belderde.
Başqortstan citäkçelegeneñ sezne tatar cırçısı bularaq qısmıymı 0 digän sorawğa Aydar Ğalimov yärdäm itmäsälär dä iñ möhime qomaçawlamasınnar dide. Ul barlıq waq mäs’älälärneñ säxnä artında qalırğa tieşlegen assızıqladı.
Matbuğat oçraşuında şulay uq çit illärdä uzğan konsertı turında da söyläde Aydar Ğalimov. San-Fransiskoğa barıp millättäşlärebezgä konsert quyu xislären äle dä onıta almawın iskä töşerde. Anıñ näq 11 sentäber, şartlaw waqiğası çorına turı kilüen assızıqladı.
Yaña programması belän dä Aydar Ğalimov Rusiä töbäklärenä çığarğa cıyınuın äytte.
Monnan tış ğailä temasına tuqtalıp Aydar Ğalimov ulı Daniär turında söyläp uzdı. Qızları Güzäl belän Aygizäneñ ingliz häm fransuz telen tiräten öyrätü buyınça 3 nçe gimnaziädä uquların äytte. Häm kiläçäk tormışların säxnä belän bäylämäyäçäklären assızıqladı.
Landış Xarrasova.
