Rusiä İminlek Şurası sekratare İgor İvanov bügen Tähranda İrannıñ atom berläşmälären tärräqi itterü eşenä Rusiäneñ öleş kertüe turında söyläşülär uzdırdı. Baştaraq bilgele bulğan, Rusiä wäkile, Yevropa Berlege üteneçe belän İran tiräsendäge atom kierenkelegen çişü täqdime belän kilüen İvanov kire qaqtı. Ämma Mäskäw, Tähranğa Yevropa illäre belän söyläşülär östälenä qaytırğa yärdäm itergä teläk belderde. İke könlek säfäre barışında İvanovnıñ İran prezidentı Mähmüd Ahmadinejad, tışqı eşlär ministrı Manuşer Mottaqi, häm başqa räsmi wäkillär belän oçraşuı qaralğan.
