Cidda -- Quşma Ştatlar däwlät sekretare Condoleezza Rice, elekke Livan premier-ministrı Rafik Haririnıñ üterelüen tikşerü eşendä Süriä Berläşkän Millätlär belän tieşle xezmättäşlek kürsätmäde, dip belderde. "Älegä Süriä tulı xezmättäşlek kürsätmäde. BMO wäkilenä "äye" diäse urınğa, alar anıñ belän kileşü yulın ezli. Läkin Süriä bareber, tege ya bu yul belän xezmättäşlek iter dip ömetlänäm, bu xalıqara cämäğätçelek taläbe", dide Quşma Ştatlar däwlät sekretare. Bu süzlären Rice Cidda şähärendä Söğüd Tışqı eşlär ministrı şaxzadä Söğüd Äl-Fäizal belän oçraşudan soñ ütkän matbuğat oçraşuında äytte. Rice Söğüdlärne terrorçılıqqa qarşı nığraq köräşergä çaqırdı. Söğüd Äl-Fäizal Riad bolay da qulınnan kilgänen eşli, dide. Düşämbedä Rice Jerusalemda İzrail häm Fälästin räsmiläre belän oçraşa. Annarı ul Ürdüngä baraçaq.
